Video
Read full review
2016-06-16
416 views
紅蔥頭都曾經幫襯過，不過，就喺始創中心店，同朋友嚟食晏晝，但已經都幾年前嘅事。嗰次嘅印象普普通通咁啦，勝在夠抵。今次再訪，純粹就一就親友方便，揀番嚟西九龍中心店，其實，我都方便，食完搭幾個站地鐵就返到美孚 。餐廳嘅環境其實唔錯，裝修都見花咗唔少心思，一室木系枱櫈，又有啲仿磚牆，當中有唔少熊仔嘅擺設，掛畫，明顯就喺賣溫馨，有一份家嘅感覺。再者，枱櫈安排得夠寬敞，讓人感覺舒適 。餐墊紙有一句咁嘅話：「飲食源自需要，品味源自要求」，又睇睇菜式嘅質素如何？餐廳本身對自家嘅出品喺咪咁有要求？最經濟都應該喺點套餐，而套餐有幾種類別，其中一款叫「品味晚餐」，足足有19款（$68-$135），豐儉由人，並奉送冷熱飲品一杯，而鮮橙汁 / 汽水+$3，特飲+$16。此外，另可以優惠價加配其他美食，如西湯、沙律、小食、雪糕，最筍就喺升級要西湯加牛油法包，只需+$9 ，所以，我哋都喺叫上述晚餐，再升級加湯。另一類套餐喺「70年代懷舊鐵板晚餐」，包餐湯、牛油法包、咖啡或茶，喺好傳統舊式西餐廳套餐組合，共有8款定價$88-$128，賣點喺懷舊鐵板，見隔離枱有點，咋咋聲香煙四竄，幾有舊時西餐廳嘅感覺。仲有一類
餐廳嘅環境其實唔錯，裝修都見花咗唔少心思，一室木系枱櫈，又有啲仿磚牆，當中有唔少熊仔嘅擺設，掛畫，明顯就喺賣溫馨，有一份家嘅感覺。再者，枱櫈安排得夠寬敞，讓人感覺舒適 。
餐墊紙有一句咁嘅話：「飲食源自需要，品味源自要求」，又睇睇菜式嘅質素如何？餐廳本身對自家嘅出品喺咪咁有要求？
最經濟都應該喺點套餐，而套餐有幾種類別，其中一款叫「品味晚餐」，足足有19款（$68-$135），豐儉由人，並奉送冷熱飲品一杯，而鮮橙汁 / 汽水+$3，特飲+$16。
此外，另可以優惠價加配其他美食，如西湯、沙律、小食、雪糕，最筍就喺升級要西湯加牛油法包，只需+$9 ，所以，我哋都喺叫上述晚餐，再升級加湯。
另一類套餐喺「70年代懷舊鐵板晚餐」，包餐湯、牛油法包、咖啡或茶，喺好傳統舊式西餐廳套餐組合，共有8款定價$88-$128，賣點喺懷舊鐵板，見隔離枱有點，咋咋聲香煙四竄，幾有舊時西餐廳嘅感覺。
仲有一類就喺「二人套餐」，有3個唔同價位（$218、$228、$248），除開每人百零蚊，已包餐湯、餐包、沙律、主菜、餐飲，其實都幾划算，可選嘅主菜類別亦唔少。
晚市仲有優惠，唔同日子有唔同菜式優惠，不過，就只限散點，可能未必人人用得着。
蘑菇忌廉湯 其實個餐湯算做得不俗，雖然菌味唔濃，但點都叫帶有菌香，質感稱唔上好細滑，但稀杰度啱啱好，至少唔會打到有粉粒。不過，件法包唔脆就一定要扣分。
芝士焗菠蘿雞粒蛋包紅飯 $68 雖然二人套餐秤落最划算，但其主菜嘅選擇無啱心水，再者，想一試師傅嘅手藝，小弟覺得品味晚餐中嘅蛋包飯及意大利飯就最能體驗到。
個蛋包飯底喺菠蘿雞粒西炒飯，而且有幾多菠蘿同雞粒，酸酸甜甜炒得幾香，兼且大堆頭份量十足，蛋面又加多一層芝士烘焗，自己味道又豐富啲；不過，要挑剔就喺搵唔到半粒紅米，因為餐牌明明寫住喺紅飯，照道理無理由加咗茄醬炒就當紅飯 ！此外，頂多叫「蛋冚」，因為晌好多日式西餐廳都喺可以做到「蛋包」，完完全全以蛋包住晒啲飯粒，再者，蛋皮實在太厚，收邊亦做得「求其」，有啲似食西炒飯加煎蛋 。雖然小弟食嘢唔算好有品味，但都有少少要求。
黑松露深海帶子黃金意大利飯 $98 唔知個意大利飯又做成點呢？意大利飯都幾「蝦」人做，生熟口感唔容易拿捏。
相比起道蛋包飯，個意大利飯卻喺做得唔錯，飯粒有咬口之餘，唔會有種生米嘅感覺，餅內混入粟米粒（黃金），多添一份爽甜感。帶子亦唔細粒，爽口軟彈，下松露醬一啲都無手軟，加入蟹籽就令外觀更好睇 ，不過，如果松露醬改為跟意大利飯一齊煮唔知效果會唔會好啲？因為飯粒更香之飯，又唔怕好似依家咁搶咗帶子少少鮮味。
清涼仲夏 $38（套餐價+$16） 親友都喺貪新鮮、喜歡試新嘢之人，所以，本來揀普通茶啡嘅佢，見有啲特飲可以以優惠價轉飲，就揀杯「清涼仲夏」，其實佢覺得杯特飲定價本身有啲貴，因為只喺單單橙汁溝咗啲薄荷，不過，優惠價換就不妨一試。
佢話睇見杯嘢都已經有種透心涼嘅感覺，攪勻之後，入口橙香滲出點點涼意，真喺幾啱依家天口熱嘅天氣飲。
法式焦糖布甸咖啡 $38（套餐價+$16） 本身意屬餐飲慣性要鮮奶咖啡，但小弟都唔執輸，見有一款「法式焦糖布甸咖啡」，以前都飲過類似飲品，所以，就都改一改補錢要一杯試試。
不過，我覺得有啲流流哋，皆因唔知啲「法式焦糖布甸」喺指乜嘢，原先預期咖啡內可能有啲焦糖布甸粒，但飲完晒成杯又唔覺有 ；你話杯咖啡有焦糖味咩，又似乎唔多似，飲落就只喺似一杯凍嘅鮮奶咖啡而已，認真自作「蔥」明。
事隔幾年再嚟紅蔥頭，雖然菜式上都加入咗啲做法較難嘅菜式，但水準無話有好大嘅提升。所以，環境、服務確喺唔錯，只喺食物嘅水平仍停留晌港式西餐嘅水準。
Post
