紅蔥頭

Open Now

Now Closed

呢間餐廳嘅食物真係令人難以忘懷。當晚我同朋友一齊去試食，感受到唔同菜式嘅美味同用心。首先，登場嘅係「鐵板西冷牛扒」。呢道菜色香味俱全，牛扒用鐵板煎得非常香脆，外皮焦香四溢，內裡肉質嫩滑多汁。牛扒選用咗上等嘅西冷，肉質鮮嫩，咬落去每一口都充滿咗濃郁嘅牛肉香氣。鐵板煎出嚟嘅牛扒外皮脆口，內裡保持住適中嘅熟度，真係令人一試難忘。接住上菜嘅係「鐵板極上無骨豬扒」。呢道菜嘅豬扒煎得非常香脆，外皮焦香，內裡肉質嫩滑多汁。豬扒選用咗無骨部位，令到整道菜更加容易食用。鐵板煎出嚟嘅豬扒外皮脆口，內裡保持住嫩滑多汁嘅口感，每一口都充滿咗濃郁嘅豬肉香氣。呢道菜真係一個完美嘅主菜，無論係配飯定係單食，都係一個好選擇。最後，當晚嘅甜品係「芝士焗肉醬千層麵」。呢道千層麵嘅每一層都充滿咗濃郁嘅肉醬同芝士，每一口都可以感受到豐富嘅味道同口感。肉醬同芝士嘅完美結合，令到整道菜更加美味。千層麵嘅外皮焗得非常香脆，內裡保持住濕潤，口感非常豐富。整體來講，呢間餐廳嘅每一道菜都非常出色，價格亦合理。無論係前菜、主菜定係甜品，都可以感受到廚師嘅用心同創意。每一道菜都充滿咗獨特嘅風味，同時又有自己嘅特色，令人回味無窮。除此之外，餐

被認為是平民地區的深水埗，西九龍中心內有一些歷史悠久的親民餐廳。紅蔥頭 cafe MED 在我的印象中就是港式西餐廳。現在重臨舊地有一種親切感，更發現這間餐廳原來在各個角落都有熊熊的蹤影。近門口位置還看到有熊熊公仔售賣和兒童書籍可借閱。食物選擇都頗多，而且有不少套餐，像是休閒下午茶、假日套餐之類。餐飲配咖啡或茶，也可加錢轉成特飲。玫瑰花茶柚子 (+HKD 16) & 黑熊 (+HKD 18)黑熊那杯很開心，除了雪糕外，還有熊熊造型的冰，連匙羹也是熊熊，很可愛。鐵板餐本身有跟餐湯和牛油法包，另外點的餐則加了 HKD 6 來加配。是比較濃稠的忌廉湯，法包亦幾脆身。鐵板薄西冷牛扒拼雞扒 (HKD 120)上桌時聽到鐵板滋滋聲在響頗有懷念感，幸好不是配我不喜歡的三色豆 (笑)兩塊扒的都是很大的一塊，再加上豐富的薯條，吃落很飽肚。選了洋蔥汁，惹味之餘是真的有洋蔥的喱。西冷牛扒有嚼勁，牛味幾濃。但說到肉質的嫩滑度會是雞扒稍勝。烤美國安格斯煎蛋漢堡伴炸薯條 (HKD 85)麵包有稍微烤焗過，所以吃落外脆內軟都幾香，而且薯條都很脆口。安格斯牛肉肉味十分濃郁多汁，加上芝士、煎蛋等配料，是很有水準的喔。

今日行過西九龍穩下嘢食見到呢間扒房好似幾好，行入去環境裝修係唔錯嘅有氛圍叫咗嘢食點知係從天堂掉到地獄嘅感覺西冷牛扒淡而冇味兼淋得犀利蒜蓉汁冇蒜蓉同茄汁味兼化水全場最差唐揚脆脆雞翼油淋淋唔脆兼臭雪氣味

餐廳裝修雅致，有聖誕樹裝飾，好有聖誕氣氛👍鐵板西冷牛扒 件牛扒好大塊，好足料，上枱時出曬煙，熱辣辣，上面淋上黑椒汁，聞起來好香！牛扒肉質鮮嫩，配埋黑椒汁，好食👍二人套餐A 呢個二人套餐好豐富，有濃湯、牛油法包、雪糕、美國安格斯牛肉芝士漢堡配薯條，仲可以揀多個主食（四選一），我哋揀咗卡邦尼煙肉意粉，仲包兩杯嘢飲👍個牛肉芝士漢堡好正，牛肉鮮嫩多汁，好Juicy，配埋溶溶哋嘅芝士，又有牛肉味又有芝士味，好夾😋另外套餐可以加$19由雪糕轉心太軟，心太軟外脆內軟，加埋入面留心嘅朱古力，真係好好味嘅甜品👍

今日嚟深水埗整電話，行下好耐無嚟過嘅西九龍中心，原本想八樓food court食嘢，一上到去勁多人，好耐冇見過咁多人嘅food court，原來真係九龍中心嘅food court係咁旺，之後去咗紅蔥頭，都唔記得細個有冇幫襯過。門口有聖誕裝飾。餐湯只有羅宋湯，多士好脆。羅馬兒童套餐B，小朋友話肉醬好味。鐵板雜扒，都幾大份，肉類正常。鐵板肉眼扒(五成)，都係幾大份，肉質都可以嘅，不過個汁真係好鹹好鹹，我飲完成杯嘢都好口渴。

紅蔥頭係西九龍中心已經好多年，同扒王之王一樣，充滿懷舊回憶既港式扒房～而價錢都好平民，套餐最平唔使$100，包湯、餐包飲品😽✨鐵板西冷牛扒（$153）牛扒大大塊，肉質嫩滑容易咀嚼，係快餐店既質素～黑椒味道，唔會太濃太辣，配菜仲有薯條、西蘭花✨四色青口（$58）四種口味青口：芝士鲜茄蓉、香草忌廉、芝士白汁、千島醬色香味俱全，青口幾大隻，而且好juicy✨心太軟(+$29）外層有脆，蛋糕軟熟，朱古力醬不太甜帶少少苦味，確實做得幾出色👍🏻👍🏻好味✨芝士肉醬千層麵（$78）超多芝士鋪面，仲可以拉絲！千層麵之中夾雜大量肉醬，芝士奶味較重👍🏻

同仔仔行西九龍中心，見到這家親子餐廳裝修懷舊，有文藝氣息，有兒童書借閱，多款美食好吸引，而且價錢相當貼地！#### 小鐵板一口牛上台時，鐵板仍然在沸騰翻滾，熱氣香氣撲鼻！新鮮的牛肉，經過精心醃製後在熱鐵板上煎至外焦內嫩，保留了肉汁的鮮美，另外搭配特製的甜蒜蓉醬，味道更佳，搭配軟綿綿的薯蓉球，更是絕配！#### 四色青口四種不同顏色的青口：芝士鲜茄蓉、香草忌廉、芝士白汁和千島醬，色香味俱全，令人垂涎欲滴！不僅色澤誘人，還能帶給味蕾不同的驚喜，讓人沉醉於美食中！#### 自家製心太軟跟餐加$29就可以吃到，真是好平！輕輕一切開心太軟，濃厚的朱古力瞬間流出，真是好邪惡！搭配鮮奶油，帶來的甜蜜滋味令人陶醉！#### 卡邦尼煙肉意粉這家店的意粉真是好平，不到一百元都有好多選擇！Q彈口感的意大利面，搭配煙肉的鹹香、雞蛋黃和濃郁的奶油醬，香氣四溢！# 美國安格斯牛肉芝士漢堡搭配薯條薯條香脆可口。咬下漢堡，安格斯牛肉汁瞬間迸發，與融化的芝士交融，帶來濃郁的奶香和肉香！### 特飲選了兩款分別是白熊:七喜.雲尼拿雪糕及冰熊，黑熊:可樂.朱古力雪糕及冰熊。造型非常得意，不單止有得飲，仲可以吃雪糕，好吸引人

I used to wander around Dragon Centre often as I lived in the neighborhood. Today I revisited this place and a lot of new shops and restaurants have opened. Café MED is one of few old restaurants, a cozy HK style steak house with nostalgic vibes. The restaurant wasn't too packed as it wasn't dinner time yet.As a starter, we ordered escargot to share. Soft escargot, served with mashed potatoes which formed a layer of delightful crust on the sizzling plate.Gotta try their signature steaks and we p

今日特登黎寫一寫佢個羅宋湯同蒜蓉汁，用餐時間係十月20日當晚，當晚同仔仔行完黃金電腦商場，晚上6:00就去西九搵食。仔仔想食牛扒，就咁啱係1樓電梯見到6樓的紅蔥頭餐廳的水牌。電梯到6樓就好容易見到餐廳在冒險樂園旁邊。可能時間還早，餐廳冇乜人唔洗等位。入到去分別叫左個當日晚餐牌上的鐵板西冷 同 鐵板肉眼，兩個都有跟餐湯同飲品但奇怪是配薯菜不能轉白飯或意粉所以花費$10點了一個白飯。當日餐湯是羅宋湯，入口即刻覺得好鹹，配上佢個餐飽來飲都覺得鹹。飲了兩啖後侍應姐姐收走都奇怪點解冇乜飲過，我如實答佢。牛扒汁我同仔仔都選擇了蒜蓉汁，個蒜蓉汁都係好鹹好鹹，建議因為牛扒係鐵板上，蒜蓉汁會因為燒熱的鐵板不斷蒸發，所以希望日後師傅可以造返淡口少少。

真係好難食，肉醬意粉係辣嘅，福建炒飯係苦嘅，份量好少，相信西餐可能會好啲，中餐完全不知所謂，衰過自己煮，完全食唔落口，但又唔可以浪費，千祈唔好點中餐，希望能好好改善

今早同朋友路過深水埗的西九龍中心，選了一間門面比較好的，發覺問題有很多凍檸茶太淡，炒飯炒的不均勻一邊咸一邊沒什麼味道，凍央咖啡加太多，洋蔥天使面，洋蔥/芫荽(還沒炒開，都纏在一起)加起比面都多唯一能說好的只有餐湯，希望改善一下

今次我地去左深水埗玩，約順便係度食飯，呢間紅蔥頭睇餐牌見佢幾抵食，就揀左呢間食二人套餐新食法B（$268）首先每人有一碗忌廉湯同蒜蓉包，之後可以揀沙律或者雪糕，我地其中一個就揀左加$19雪糕轉心太軟，另一個就要一球雪糕其中一份主食係鐵板餐，有牛扒同雞扒揀，我地揀左牛扒，塊牛扒勁大塊，倒d汁上鐵板時，jar jar聲好滿足，件牛扒肉質唔差，d薯條都係脆既🥩🍟另一個主食就有2款意粉，同龍利柳飯，我地揀左忌廉龍利柳飯，平時個飯係跟白飯，咁岩我食冇曬，轉左炒飯底仲開心，兩件龍利柳都煎得幾香，忌廉汁如果配白飯可以再多d，配炒飯就岩岩好🐟最後每人一杯餐飲，冷熱同價，特飲就要加錢☕️🍹烤美國安格斯漢堡半炸薯條（$79）另外我地朋友叫左個漢堡包餐，漢堡包幾大個，塊肉都厚，裡面落左d巨無霸醬，幾好食，薯條同牛扒既薯條都係炸得一樣脆，呢個餐仲可以加$6跟埋個湯同蒜蓉包🍔🍟心太軟切開溶d朱古力出黎都唔錯，有外脆內熱既feel，雪糕就有唔同味揀，我地揀左曲奇味，都ok🍧呢間餐廳都幾抵食，一個餐有餐餐湯同飲品，2人餐仲有甜品，食到飽一飽咁走，同區黎講又係坐得比較舒服既一間餐廳

以前喺西九龍食過一次紅䓤頭，記得當時係聖誕節，食過一次好難忘嘅聖誕大餐，記憶中味道都唔錯，不過今次重遊舊地，再次食扒餐，感覺就有點失望。因為肉眼扒餐每個都要$140 ，當然對質素會有少少期望和要求。開始嘅時候，餐湯同蒜蓉包都唔錯，蒜蓉包脆卜卜好好食。不過我覺得我今日嘅肉眼扒就冇乜肉味，同埋有好重鬆肉粉嘅感覺，似乎唔似$140嘅質素。另外，同侍應溝通上有點困難，我用好多時間，講咗好耐佢先至明白我需要薯條另上😅

今日約咗朋友去深水埗買嘢，睇下啲電子零件，不過天氣有啲熱，買完嘢之後就去咗西九龍商場上面行街，涼下冷氣。商場都有好多層，我哋逐層行，行到去六樓，經過嗰間開咗都好耐嘅西餐廳，不過一路都未去試過，諗諗下佢開得咁耐一定有佢可以屹立不到嘅原因，反正未食午餐，就入去試下。我哋三個人叫咗四個餐，其中有一個係甜品嚟嘅，亦都係令到我哋最驚喜嘅食物！🐮鐵板燒牛扒配薯菜牛扒我哋揀咗雜菌汁，咬落去都幾鬆軟，有餐湯同埋餐包配送，60蚊鬆啲嘅價錢嚟講絕對有下次👍🐔馬來咖哩雞飯咖哩上面灑上一啲葡萄乾，有淡淡嘅椰汁香味，薯仔都夠淋，係唔錯嘅選擇🌼蘆筍意大利飯爽脆嘅蘆筍配上雜菌意大利飯嘅creamy，份量雖然唔大，但係非常飽肚🫶意大利飯煙韌適中軟綿而唔會爛🍰肉桂焦糖西多士配雪糕第一次食到肉桂口味嘅西多士仲要係外脆內軟，唔使點糖漿不用沾煉奶，只需要點啲雪糕就已經非常好食🥤玫瑰花柚子茶玫瑰花嘅幽香配搭清新嘅柚子，係一個新穎得嚟幾好飲嘅配搭原來兩點之後仲會有下午茶餐，下次可以過嚟試下佢下午茶

叫左個下午茶，魚柳焗飯，你落一大堆味精，同芝麻，結果我食落得味精味，想食舊魚但連魚味都無，又話咩芝士焗飯，d 芝士少到，你不如唔好放？你地下午茶就咁hea，不如唔好整啦，