Video
Read full review
2012-01-29
24 views
過左海關 一個人 時間充裕又唔想咁早去候機室 心諗又要半年後先有得食點心 決定去food court間正斗食碗粥 當作臨別秋波以前食過正斗 記憶中雖然貴但品質幾好 當然不可與妹記生記等名店相比 但總比海皇出色誰知....忘記機場是遊客落踏之地.....我見多人買.......同樣落踏了......叫左個set 有粥加兩個點心 居然有得選魚片粥 素來愛魚既我諗都唔洗諗啦點心則選了蝦餃 叉燒酥等左唔算耐 師傳動作快手 5分鐘就有有得食望落去完全對板 大家見上邊張相應該都唔覺有咩問題啦 粥冇水旺旺 蝦餃一籠上 蒸汽騰騰 諗住冇死啦可惜一食碗粥..............................魚呢再食多啖..............................魚呢最終比我搵到一舊細粒過手指尾類似魚既物體.....此時此刻 我腦海中湧出生記一碗唔洗廿蚊既大大件魚腩粥.....再望見眼前呢粒白色野.......呢種感受絕對唔係文房四寶所能形容!粥底得一個字 淡 好似白粥似的 唔怪得要落咁多胡椒啦輪到點心蝦餃係好熱 可惜層皮厚到呢 粒蝦細粒到呢一口咬落去 你會食到充裕既澱粉質 冇了.
心諗又要半年後先有得食點心 決定去food court間正斗食碗粥 當作臨別秋波
以前食過正斗 記憶中雖然貴但品質幾好 當然不可與妹記生記等名店相比 但總比海皇出色
誰知....忘記機場是遊客落踏之地.....我見多人買.......同樣落踏了......
叫左個set
有粥加兩個點心
居然有得選魚片粥 素來愛魚既我諗都唔洗諗啦
點心則選了蝦餃 叉燒酥
等左唔算耐 師傳動作快手 5分鐘就有有得食望落去完全對板 大家見上邊張相應該都唔覺有咩問題啦 粥冇水旺旺 蝦餃一籠上 蒸汽騰騰 諗住冇死啦
可惜一食碗粥..............................魚呢
再食多啖..............................魚呢
最終比我搵到一舊細粒過手指尾類似魚既物體.....
此時此刻 我腦海中湧出生記一碗唔洗廿蚊既大大件魚腩粥.....
再望見眼前呢粒白色野.......呢種感受絕對唔係文房四寶所能形容!
粥底得一個字 淡 好似白粥似的 唔怪得要落咁多胡椒啦
輪到點心蝦餃係好熱 可惜層皮厚到呢 粒蝦細粒到呢
一口咬落去 你會食到充裕既澱粉質 冇了......
唔好見我啲相睇影落去唔差 呢種質素我唔認為有任何一個香港人接受到!
結果我食左4粒細細粒蝦肉就放棄了
至於叉燒酥 算係最正常既 叉燒就冇幾多喇 起碼啲酥皮夠脆夠熱 係新鮮出爐的 已經不可有任何期望
最慘既係價錢貴得離譜 正斗本身已經貴過人啦 加上機場價 更貴 又難食到不得了! 極度唔化算!作為係香港既最後一餐....係個可惜
當係買個教訓 下次比呢個價錢不如去對邊新開既pizza express食意大利野好過
反正都係食澱粉質啫.....
Post
