譚仔三哥米線 (Closed)

不論係唔係機場員工，機場大部分嘅餐廳都比較貴不過喺二號客運大樓嘅譚仔三哥真係窮人恩物餐廳之一！都算係平靚正之選！由於小妹係機場返工，好多時都會係機場食飯。今次一個人堂食譚仔，晚上會好多人，不過一個人嘅關係所以好快就有位！無論係堂食同外賣都好方便，送餐超快！大部分嘅姐姐都有禮貌嘅不過真係好趕時間。而機場呢間會有優惠套餐，一個餸加野飲40幾蚊，所以都可以接受嘅！而小妹好中意食豬耳嘅關係，而呢間譚仔三哥又有豬耳，所以就叫咗單叫唔要餐，雞肉麻辣小辣+豬耳～譚仔嘅米線真係好好食！小辣嘅口感太好了！係我最愛嘅味道！最重要嘅係佢嘅豬耳，重口味果個汁好正！每次會將啲汁落埋碗米線到，令碗米線更辣更好味！黎到機場都可以食到譚仔真係一件好幸福嘅事