Video
Read full review
2011-10-09
150 views
師傅同好友食家"乜都放入窿"食完碗涼麵後, 當然未飽啦, 亦隨即向住第二目標出發, 就係去搵陵南中鋒魚住傾兩句, 由於唔太清楚正確位置, 兩位食家只好慢慢搵, 幸好非常容易就可以搵到, 隨即步入食店! 當時大約係晚上九點幾, 入到店內發現人唔算多, 可能比較夜啦, 店內亦有一張卡位, 看來係專誠留比師傅的, 於是就同好友食家"乜都放入窿"坐底! 一坐底後當然係睇下有咩好食, 發現食店選擇甚多, 其中以餃子嘅最多花臣, 師傅亦比西洋菜鮮肉餃吸引左! 再同好友食家"乜都放入窿"商量後, 決定要西洋菜鮮肉餃, 揀左煎呢個煮法, 而好友食家"乜都放入窿"亦揀左西紅柿蕃茄雞蛋餃, 選擇湯上, 再配上兩款小食香辣海浙和拍青瓜, 加埋店方大力推介嘅東北皮凍, 於是亦決定一試, 五款食物都應該夠食喇呱!等左一陣就已經有得食, 當然最先登場嘅係兩款小食香辣海浙和拍青瓜, 先講下香辣海浙, 海浙身都幾爽口, 唔會太過韌身, 不過味道太咸, 主因係豆板醬落得太多, 齋咸唔辣, 味道並不太討好; 至於拍青瓜清新爽口, 感覺舒服, 若然能夠再凍少少, 必定更合師傅心意, 兩款小食師傅都係覺得一般, 並冇驚喜可言
再同好友食家"乜都放入窿"商量後, 決定要西洋菜鮮肉餃, 揀左煎呢個煮法, 而好友食家"乜都放入窿"亦揀左西紅柿蕃茄雞蛋餃, 選擇湯上, 再配上兩款小食香辣海浙和拍青瓜, 加埋店方大力推介嘅東北皮凍, 於是亦決定一試, 五款食物都應該夠食喇呱!
等左一陣就已經有得食, 當然最先登場嘅係兩款小食香辣海浙和拍青瓜, 先講下香辣海浙, 海浙身都幾爽口, 唔會太過韌身, 不過味道太咸, 主因係豆板醬落得太多, 齋咸唔辣, 味道並不太討好; 至於拍青瓜清新爽口, 感覺舒服, 若然能夠再凍少少, 必定更合師傅心意, 兩款小食師傅都係覺得一般, 並冇驚喜可言!
之後就到品嚐西紅柿蕃茄雞蛋餃, 先試下湯底, 如果師傅冇飲錯, 應該係雞湯, 味道都幾鮮幾濃, 不過師傅覺得咸少少, 至於西紅肺蕃茄雞蛋餃嘅餃子皮真係好薄, 個皮真係屬於高水架, 而餡料西紅柿蕃茄雞蛋幾特別, 鮮甜新鮮, 絕不膩口, 水準真的幾導討好; 而西洋菜鮮肉餃係即叫即煎, 所以入口時餃子仍然好熱, 餃子皮依然好薄, 煎完嘅餃子皮仍然好脆, 脆得黎唔硬, 加上餡料都幾足, 西洋菜夠香而鮮肉唔膩, 唔會話食兩隻已經飽飽濟濟, 真的好正, 呢個西洋菜鮮肉餃師傅覺得係必食之選!
最後就係由店方推介嘅東北皮凍, 東北皮凍應該係豬嘅皮夾雜肥膏, 好友食家"乜都放入窿"食左第一件比出黎嘅反應係想嘔, 見到好友食家"乜都放入窿"有咁嘅反應後, 師傅內心亦不禁一寒, 不過亦決定一試, 入口後發覺東北皮凍十分滑身, 味道欠奉, 而且喺口中嘅感覺絕對唔正, 非常之唔掂, 結果當然係食淨啦; 師傅都唔明點解店方會大力推介, 用陰謀論嘅角度黎睇就係呢款食物制作過多, 加上不能存放, 唯有速銷!
總括黎講餃子水準真的十分之高, 但其他食物就一般; 服務亦有禮, 店內光猛清潔, 給人感覺舒適, 價錢唔貴, 廿八蚊十隻西洋菜鮮肉餃, 就算煎都係賣三十, 平均一隻都係三蚊雞, 埋單都係九十八蚊, 真係好抵食! 師傅以為魚住除左打籃球勁啫, 估唔到整餃子都有一手; 師傅大膽講句黎呢間食店淨係揀餃子就夠喇, 其他食品可以不試, 所以笑臉係比餃子, 亦絕對有機會再黎!
Post
