Video
Read full review
2016-11-06
858 views
今次去到荃灣西餐廳Vision 8 開餐 , 餐廳位於一條橫街入面,位置不太難搵一入到餐廳最吸引我既,絕對係佢地呢一個花牆。 非常有情調, 可以做背景比情侶影相留念 , 裝修很有想法。講完環境 , 梗係就要講一講食物。首先係前菜同湯 , 職員首先上左蒜蓉包比我地。上枱既時間 , 包仍然好熱 , 蒜蓉味好香 , 而且非常脆。完全係我喜歡既蒜蓉包既類型。另外 , 上左兩個湯 , 分別係蟹肉南瓜湯和洋蔥湯。 蟹肉南瓜湯 , 南瓜味香濃 , 甜甜的 , 最令我驚喜係蟹肉非常多 , 一點都不孤寒 , 給一個讚。 洋蔥湯味道非常香 , 飲落去有少少黑胡椒既味道 , 喜歡重口味的人 , 一定會喜歡這個洋蔥湯。再來就是主菜 , 蒜香辣椒鮮蜆墨魚汁燴墨魚意大利粉 , 一碟漆黑的意大利粉係我地飲完湯之後徐徐上枱。賣相呢方面各花入各眼 , 我就覺得味道最緊要。 食落去墨魚味就唔太明顯反而蒜味香濃 , 味道都屬於重口味。另外 , 發覺vision 8 一個值得稱讚既地方 , 就係材料非常慷慨 , 呢個意大利粉既蜆SIZE適中之餘 , 起碼有二十幾隻蜆。 非常抵讚。另一個主菜 , 扒大虎蝦配龍蝦汁燴天使面 ,
一入到餐廳最吸引我既,絕對係佢地呢一個花牆。 非常有情調, 可以做背景比情侶影相留念 , 裝修很有想法。
講完環境 , 梗係就要講一講食物。首先係前菜同湯 , 職員首先上左蒜蓉包比我地。上枱既時間 , 包仍然好熱 , 蒜蓉味好香 , 而且非常脆。完全係我喜歡既蒜蓉包既類型。
另外 , 上左兩個湯 , 分別係蟹肉南瓜湯和洋蔥湯。 蟹肉南瓜湯 , 南瓜味香濃 , 甜甜的 , 最令我驚喜係蟹肉非常多 , 一點都不孤寒 , 給一個讚。
洋蔥湯味道非常香 , 飲落去有少少黑胡椒既味道 , 喜歡重口味的人 , 一定會喜歡這個洋蔥湯。
再來就是主菜 , 蒜香辣椒鮮蜆墨魚汁燴墨魚意大利粉 , 一碟漆黑的意大利粉係我地飲完湯之後徐徐上枱。賣相呢方面各花入各眼 , 我就覺得味道最緊要。 食落去墨魚味就唔太明顯反而蒜味香濃 , 味道都屬於重口味。
另外 , 發覺vision 8 一個值得稱讚既地方 , 就係材料非常慷慨 , 呢個意大利粉既蜆SIZE適中之餘 , 起碼有二十幾隻蜆。 非常抵讚。
另一個主菜 , 扒大虎蝦配龍蝦汁燴天使面 , 上枱果一刻 , 果一隻大虎蝦有成隻差咁大隻。 蝦肉亦爽甜 , 食得非常過癮。
總括而言 , Vision 8 既環境有想法有格調 , 適合情侶前來輕鬆。食物質素尚可 , 但係用料和份量非常抵讚。 如果想係荃灣食西餐廳既朋友 , Vision 8 絕對係你地可以試下既西餐廳。
Post
