深宵食堂

Open Now

Now Closed

突然間心郁郁想食日式串燒同埋日式料理，然後就喺網上搵到呢一間日式料理店，見到相入面裝修好靚，所以就上嚟試一試。黎都真係眼前一亮，佈置得好用心，尤其是櫻花嘅裝飾，真係好有日本嘅味道👍🏻《汁燒白鱔》$72燒得唔錯，白鱔好爽口，而且都好Juicy，符合預期👍🏻仲有汁燒雞腎$38同埋鹽燒雞軟骨$38，都幾唔錯！《厚燒牛舌》$38厚燒唔係間間都做得好，但係呢度都唔錯，牛舌食落唔會韌，而且都好夠味又爽。《炸魷魚》$58首先覺得份量有啲少，不過炸得幾脆口，外皮唔算厚。《蒜片一口牛》$68牛肉非常嫩和juicy，不過略嫌蒜味唔係太足夠。《玉子燒》$78玉子燒嘅味道略甜，不過蛋幾厚實，唔會一夾就爛，整體不過不失。