Video
Read full review
2024-08-26
154 views
小編最近為咗轉換下心情，於是捉咗朋友仔去食好嘢：爐端燒！餐廳樓底好高，周圍都充滿日系元素，有私隱度較高嘅卡位，仲有吧枱位置。坐吧枱位置嘅話，師傅會利用長板送遞新鮮即整美食。當中嘅Omakase套餐小編覺得好抵食，師傅會利用時令海鮮同食材，製造出多款美食！鍾意飲梅酒嘅朋友仔，可以試下佢地嘅梅酒，自家製架😋♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 長阪12旬彩席間料理 $468૪ 前菜三款精緻前菜：綿滑芥末豆腐、汁燒Q彈鮑魚，以及象拔蚌刺身配酸甜蜜糖芥末醬૪ 先付赤貝刺身配八爪魚，仲有海藻、繡球菌配山葵汁，爽口清新૪ 刺身軟滑海膽配上入口融化嘅富山白蝦，味道超鮮甜！雲丹棱子魚表面經過炙燒後，肉質軟身得嚟仲有陣陣焦香，完全冇腥味૪ 蒸物鳥巢嘅造型嘅茶碗蒸，精緻鹹香嘅魚子下，有煎過軟綿嘅鵝肝，配上食落就直接滑落喉嚨嘅蒸蛋，唔會過鹹，味道好夾૪ 御造薄脆最中餅釀有三文魚子加醬醋蟹肉，鮮味極致，配搭埋甜甜嘅有蛋香嘅伊達捲，呢款捲蛋係日本新年或者特別節日先食到架૪ 味自慢燒物醬油秘製豆腐，燒到外脆內軟，咬落爆汁，熱辣辣令到表面嘅木魚絲不停舞動૪
餐廳樓底好高，周圍都充滿日系元素，有私隱度較高嘅卡位，仲有吧枱位置。坐吧枱位置嘅話，師傅會利用長板送遞新鮮即整美食。
當中嘅Omakase套餐小編覺得好抵食，師傅會利用時令海鮮同食材，製造出多款美食！鍾意飲梅酒嘅朋友仔，可以試下佢地嘅梅酒，自家製架😋♥️
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
❥ 長阪12旬彩席間料理 $468
૪ 前菜
三款精緻前菜：綿滑芥末豆腐、汁燒Q彈鮑魚，以及象拔蚌刺身配酸甜蜜糖芥末醬
૪ 先付
赤貝刺身配八爪魚，仲有海藻、繡球菌配山葵汁，爽口清新
૪ 刺身
軟滑海膽配上入口融化嘅富山白蝦，味道超鮮甜！
雲丹棱子魚表面經過炙燒後，肉質軟身得嚟仲有陣陣焦香，完全冇腥味
૪ 蒸物
鳥巢嘅造型嘅茶碗蒸，精緻鹹香嘅魚子下，有煎過軟綿嘅鵝肝，配上食落就直接滑落喉嚨嘅蒸蛋，唔會過鹹，味道好夾
૪ 御造
薄脆最中餅釀有三文魚子加醬醋蟹肉，鮮味極致，配搭埋甜甜嘅有蛋香嘅伊達捲，呢款捲蛋係日本新年或者特別節日先食到架
૪ 味自慢燒物
醬油秘製豆腐，燒到外脆內軟，咬落爆汁，熱辣辣令到表面嘅木魚絲不停舞動
૪ 時令燒魚
小編初次食到吞拿魚下巴，由於下巴有較多油脂，燒過後充滿魚香，肉質十分嫩滑，加啲檸檬汁或者沾啲醬汁一齊食會冇咁膩
૪ 天婦羅
上碟後，職員先加啲天婦羅汁，再送上主角：天婦羅白魚同日本菇。
炸皮薄脆，白魚多汁軟腍，沾埋天婦羅汁真係啱啱好！唔膩
૪ 燒時令貝
聞落有香濃胡椒味，北寄貝爽而不韌，加咗啲菇菌一齊燒，菇菌吸晒味，最後飲埋湯，胡椒味反而做到提鮮作用，鮮甜無比
૪ 飯
用龍蝦湯整成軟糯燴飯，配上新鮮厚身嘅赤蝦肉，蝦味濃郁
૪ 湯
是日湯物係文蛤魚湯，用咗8小時熬製，蛤蜊肉質飽滿冇沙，味道鮮甜
૪ 甜品
香甜日本赤肉蜜瓜；爽彈水信玄餅，配上黃豆粉同黑糖醬；最後嚟杯巨峰乳酸梳打，好豐富
∴∵୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
Post
