Video
Read full review
2023-04-26
860 views
🏆獲獎無數嘅gaddi's坐落喺半島酒店嘅舊舞廳一間擁有接近70年歷史嘅餐廳餐廳嘅裝修同氣氛都好有老派嘅歐洲風格好似置身於一間高貴嘅古董舖咁好有氣派現場仲有live band可以一邊聽+睇住爵士樂隊嘅表演一邊食好西🤩座位之間都有好大距離/私隱度算好高有特別紀念日子/商業招待/想嚟一個浪漫嘅晚餐gaddi's絕對係一個唔錯嘅選擇✨comté gougères 溫度啱啱好/細細地一啖一個/簡直係停唔到口兩款canapés都係冇得挑剔啦/手工一流✨bread basket#sourdough 都好唔錯/皮脆內軟牛油有兩款可以選擇一款係鹽味而另外一款係有少少辣味鹽味嗰個非常適合搭配硬嘅包辣咩嗰個係幾特別同刺激到味蕾令到個 #brioche 相對地比咗下去✨Gaddi's Caviar Connoisseurs - 6 courses1️⃣登格斯蟹/西柚/法式鬆餅/龍蒿第一道菜用咗W3, #AmurBeluga 嘅魚子醬鋪面魚子醬底下就係登格斯蟹肉嘅沙律/西柚/龍蒿配法式鬆餅 #blinis魚子醬嚟自達氏鱘/係屬於全球體型最大鱘魚之一/長度可達2.5米雖然呢款魚子醬味道濃郁但加咗啲西柚中和番/亦冇搶
一間擁有接近70年歷史嘅餐廳
餐廳嘅裝修同氣氛都好有老派嘅歐洲風格
好似置身於一間高貴嘅古董舖咁好有氣派
現場仲有live band
可以一邊聽+睇住爵士樂隊嘅表演一邊食好西🤩
座位之間都有好大距離/私隱度算好高
有特別紀念日子/商業招待/想嚟一個浪漫嘅晚餐
gaddi's絕對係一個唔錯嘅選擇
✨comté gougères
溫度啱啱好/細細地一啖一個/簡直係停唔到口
兩款canapés都係冇得挑剔啦/手工一流
✨bread basket
#sourdough 都好唔錯/皮脆內軟
牛油有兩款可以選擇
一款係鹽味而另外一款係有少少辣味
鹽味嗰個非常適合搭配硬嘅包
辣咩嗰個係幾特別同刺激到味蕾
令到個 #brioche 相對地比咗下去
✨Gaddi's Caviar Connoisseurs - 6 courses
1️⃣登格斯蟹/西柚/法式鬆餅/龍蒿
第一道菜用咗W3, #AmurBeluga 嘅魚子醬鋪面
魚子醬底下就係登格斯蟹肉嘅沙律/西柚/龍蒿配法式鬆餅 #blinis
魚子醬嚟自達氏鱘/係屬於全球體型最大鱘魚之一/長度可達2.5米
雖然呢款魚子醬味道濃郁
但加咗啲西柚中和番/亦冇搶走到登格斯蟹嘅鮮味
作為第一道菜非常之適合
而登格斯蟹係一種大型寄居蟹/長度可達30厘米
係加拿大/北美/太平洋地區嘅重要食用蟹種之一嚟㗎
2️⃣日本紅𩶘魚/昆布清湯/牛油果/紫蘇
第二道菜用咗La Maison Nordique, Shadi
呢款魚子醬係嚟自amur river (即係黑龍江)名為 “Acipenser Schrenki” 嘅鱘魚
係響俄羅斯遠東同中國東北嘅交界
成件事好清好鮮
突顯咗呢款魚子醬濃郁而複雜嘅味道
尾韻仲有啲杏仁味添
不過手殘食到有啲捩咁棄
同埋成舊嘢連個湯都有綠色/有啲唔知點嘅觀感
3️⃣線鈎海鱸魚/北海道海膽/青露筍/意式豬油
第三道菜配上Sturia. Jasmin Osciètre
呢款魚子醬幾特別
因為係無鹽嘅/就咁食有花香/充滿礦物質同埋本身已經有啲露筍味
搭配咗重少少味嘅海膽同豬油
個海膽唔算係好濃味嗰啲北海道海膽
似乎係補番呢款無鹽魚子醬嘅鮮味
而意式豬油膏lardo di colonnata可以話係高級版嘅豬油渣/精選豬肉背部嘅油
成件事同個foam都幾夾
4️⃣澳洲M8和牛/煙燻鰻魚/合桃/紅菜頭
第四道菜- 主菜用Royal Caviar Club, Premium Baerii
皇家藍寶石嘅呢款嚟自培養8年嘅西伯利亞鱘魚
相信揀呢一款都係因為帶有輕淡嘅鮮味/入口香純
但係配埋調咗味嘅m8和牛個人感覺上怪怪地
和牛加埋暖暖地嘅魚子醬/個人感覺有啲鹹
5️⃣法國乾魚子醬/椰菜花雪糕/榛子/酢槳草
第五道菜Le Chou-Fleur de Bretagre
顧名思義用咗法國🇫🇷最西北部嘅椰菜花嚟整嘅雪糕
孤陋寡聞第一次食椰菜花味嘅雪糕🍦甜甜地又咸咸地咁
應該係想清一清啲油膩感
6️⃣酥脆糖片配牛奶朱古力/馬達加斯加香草雪糕/爪哇長胡椒
最尾一道菜用咗白鱘魚Kaviari, Transmontanus
有啲牛油又有啲木味
隻碟上面嘅圓圈係用朱古力醬仲灑咗金箔添
個雲呢拿雪糕的確幾好
✨精選法國小糕點 #petitsfours
有熱情果#macaron 同🍾️香檳朱古力🍫
小知識
petite four 法文係解焗爐
唔係等於有四款甜品呀🤡
整體非常之享受
服務同食物都好好
亦都一次過試到好多唔同嘅魚子醬
提提你gaddi's 有獨立入口同電梯㗎
響arcade連接住酒店入口行前少少就有gaddi's塊牌
唔好就咁中咗上酒店一樓呀🫢
記住留意有dresscode添㗎
Post
