富盈火鍋雞煲專門店 (Closed)

有訂位，7點入座，即刻點個雞煲出去攞野食，熟食：魚皮，薯格，炸骨腩，響鈴生食：倉魚，牛仔骨，蠔，花甲，聖子，牛舌，羊肉片，鱔片，鯇魚片，蝦。食物紙，花竹蝦，牛小排，牛頸脊，豬，封門柳，鮑魚，鰻魚，元貝，魚片，羊扒。黎到一樣一樣試，出面拎既食材大部分都唔掂，蠔變左，牛仔骨無味，花甲唔鮮，聖子有沙，鱔片普通，倉魚正常蝦梅梅地，好明顯外面既海鮮都唔係新鮮，或者係新鮮但係擺左係出面室溫咁耐，都變變地。食物紙既就正常，牛肉最好食係牛小排，牛頸脊，封門柳完全唔得，鮑魚要燒，仲要自己調味先好食，鰻魚好食，花竹蝦元貝，魚片，羊扒正常。其實出面好多打邊爐料係完全無試過，因為又雞煲又海鮮又牛肉又熟食，再加上咁多配料真係食唔到咁多，同埋質素問題，我地最後都係不停點食物紙上面既食物。外面擺太多食物，太貪心，但人流唔夠，外面食材去既速度唔快，加上唔係放係凍櫃，所以好多野有機會變左唔新鮮。3號餐，埋單320，試過一次，唔會再去。呢個價錢好多質素好既放題可以選擇。