三代目 (港運城)

Open Now

Now Closed

今晚同朋友去左北角，一間日本餐廳食晚飯，餐廳有好多唔同嘅嘢食，裝修好日本風，座位闊落，坐得好舒服。我哋叫咗幾款菜，首先係彩虹凱撒沙律，蔬菜好新鮮，上邊仲有隻溫泉蛋，幾特別。自家製餃子，皮薄餡靚，夠飽滿，幾好食。和風炸雞，夠香脆，啖啖肉，好好味。牛之拼盤，內有串燒牛舌、一口牛同埋牛肉蘆筍，全部都好嫩滑，牛肉夠鮮，又冇渣，即刻就食哂。串燒番薯，係我最鍾意食嘅，番薯又香又甜，超正。最後叫咗兩款雪糕，日本朱古力雪糕同埋和牛乳雪糕，雪糕好滑身，甜味啱啱好，真係一個好完美嘅晚餐。