泰味泰國餐廳

Open Now

Now Closed

前2日同朋友試食呢間泰國餐廳🇹🇭，發覺幾好食😋今個星期五帶男朋友再黎食👨🏻今次叫左醉貓炒金邊粉，豬肉生菜包，燒豬頸肉，泰式春卷，椰汁冰🧉🧊上次黎食係叫醉貓炒河粉，河粉驚喜地炒得好好食，今次再叫，可惜今日河粉賣晒，要轉金邊粉，揀左炒雞肉。少少辣辣地，多配料，有青紅椒，菇，豆，菜同雞肉，都不錯，但都係炒河粉好食啲🫢🌶️🫑豬肉碎生菜包🥬碎肉都大碟，我同男朋友每個人都食到4，5個生菜包，碎肉炒得好食，有少少微酸，配新鮮生菜食，清新健康。🥢🥢燒豬頸肉都不錯👍🏻春卷炸到好脆嘅，點埋個甜酸醬，係幾好嘅小食黎。😊最後送左2件應該係椰汁西米糕比我地食🥥🙂服務方面，職員會定時幫我地斟水同埋清理枱上食完餐碟嘅👏🏻👏🏻收加一服務費都合理另外一提就係上次黎食叫左半打豬牛雞串燒🍡🍢雞串燒特別好食🤤，好滑，有少少驚喜。