韓牛韓式燒烤 (Closed)

今日出旺角買野，買完肚餓就響附近食野，見到有間韓燒價錢唔貴，同好多野食，於是入去食😊果然無令我失望，入面有好多唔同款既前菜，熟食，凍肉，甜品揀，真係花多眼亂，唔知食邊樣先好😂😂牛肉質素好高，好新鮮，食得最多既其中一樣😂其次都係牛，就係牛柳粒，牛舌，除左新鮮外，味道調得都岩岩好👍🏻👍🏻除左牛外，仲有多春魚，間餐廳好貼心，響旁邊有油，燒多春魚時，皮會爛哂，貼左響鐵板，但加左油就唔會，呢個值得一讚👍🏻👍🏻其餘燒肉，仲有豬梅肉，雞肉，鴨腎，雞翼，吊桶，魷魚等等，款式太多不能盡錄😂熟食方面，估唔到都有海鮮，青口夠大隻，夠新鮮，蝦🦐肉都好爽，唔錯👍🏻仲有好多炸物，炸雞🍗再加上蜜糖芥末式者韓式辣醬，好有韓式風味，真係好好食，雞既外皮夠脆，多汁，呢個都係小弟既其中一個推介👍🏻甜品方面🍦，有香芋雪糕，開心果雪糕，蜜瓜味雪糕，芒果味雪糕同埋紅豆味雪糕，雪糕種類都算多。除咗雪糕之外，仲有嘅豆腐花，朱古力噴泉，桂花糕，椰汁西米糕等等。總括而言，性價比很高，大家經過可以一試。👍🏻👍🏻