豚豚食堂

Open Now

Now Closed

今次食左屋企附近嘅餐廳，開左一年今日先第一次食。佢有拉麵，有咖哩飯，有便當，好多選擇。兩點去食冇咩人，唔洗等直接入去，餐廳環境乾淨，員工態度友善。叫左個白豚肉拉麵，朋友叫左個鯖魚豚肉便當。等左5分鐘就有，上餐速度好快。白豚拉麵，$69包含一碗拉麵同埋一份小食，份量適中。拉麵麵質有啲似即食麵，有啲淋。但係都可以接受。個湯好濃郁，有豬骨味。豬肉有三塊，好厚好大塊，但係稍微有點硬。拉麵仲有甘荀同木耳，正！雞軟骨好有咬口，配合檸檬汁，味道唔錯。朋友叫左鯖魚豚肉便當，魚冇腥味，豚肉甜甜地，幾好食。粟米淋上麻醬，好夾。