Doux (Closed)

今日放左工黎到哩間餐廳,因為近個朋友既公司,而哩幢樓又出名多餐廳,就揀左哩間試。餐廳環境好暗,黑到唔係好見到前路,連早到既朋友都見唔到,連影相都要自己打燈。餐牌食物款式多不勝數,樣樣都好想試。先叫左一個帶子沙律,份量多到嘩左一聲,帶子煎得香脆,而且十分大隻。沙律菜都好新鮮,配埋黑醋食好開胃然後叫左個小食拼盤,全部炸物好邪惡,薯條上有好多芝士粉同熱焙芝士,炸雞最好食,不過個芝士條有點奇怪,芝士較硬之後叫左個龍蝦意粉,意粉係番茄汁底,龍蝦都算多肉,而且尚算新鮮唔夠飽,再叫多左個漢堡,塊肉幾JUICY,唔會死實甜品揀左RUBY PEACH,桃味有點假,不過賣相十分靚三個人食左715蚊,每人二百幾都食左好多野,價錢合理,可以再黎。