Cova Ristorante & Caffe (歷山大廈) (Closed)

今日去中環有點事要辦，時間未夠鐘，見Cova有位，就坐低飲杯茶。因為其實之前都食咗嘢，唔係太肚餓，所以大家只係嗌左個杯茶同咖啡，再加多個牛肉三文治share。呢附近都有幾間類似嘅西式Cafe餐廳，Cova個包裝其實都幾靚，但係講熟食嘅話，我又覺得其他餐廳例如cafe landmark比俾佢好食一啲。之前都食過佢哋嘅lunch，價錢都唔平，但係質素同味道就冇其他餐廳咁突出。EARL GREY TEA 唔錯，牛肉三文治是新鮮造的，但味道一般，冇令人印象好深刻。如果行過嘅，可以坐低飲杯茶食件餅，如果特登嚟食飯嘅，我諗我就未必會揀呢間喇。