榮華茶餐廳 (Closed)

好想食懷舊魚蛋粉，有日帶左家人去九龍城所謂米芝連食店幫襯，食完呀爸翻白眼🙄️向住我，佢話一D都5好食🥲，平時食開個間好多多聲喎！叫呀爸介紹我去試下👀👀。原來系深水埗排檔附近的舊式茶記，我系tea time去既，但都有8成顧客，全店裝修擺設系70-80年代，但環境乾淨，服務員系中年人仕，但有禮貌，效率高👍🏻。我叫左至尊推介，有鱼片、魚蛋、炸魚片頭和炸魚皮4併，加埋熱飲$ 4 6。嘩！賣相好正！首先，炸魚皮系分開上，話說系即炸，魚蛋粉有好多菜，仲要系大大條，D魚片魚蛋真系食到有魚味，彈牙，不是粉團😂！不是味精湯。到杯奶茶啦，你睇吓，茶面系有層奶茶衣，難得！還有所謂掛杯出現👍🏻，飲落好滑，勁茶香，且回甘😋😋，超級完美💯。最後埋單，老闆娘仲同客有礼貌地講多謝，超窩心❤️。見老闆伙記同客有傾有講，感覺很親切，好有舊香港情懷，多謝呀爸好介紹🙏🏿。