Video
Read full review
2024-02-26
40 views
上個月嚟皇室堡飲茶，已經留意到 3 樓開咗間歐陸宮廷風西餐廳，裝潢華麗別緻，環境好優雅，已即時 bookmark 咗，趁今日放假，專登同個 friend 嚟食餐晏。原來餐廳係「INN」系列嘅新分店，設計以純白為主調，配合門外嘅夢幻法式許願水池、歐式拱門和古典水晶吊燈，極具視覺美感，好適合同朋友嚟影相打卡。我哋每人點咗個 Set Lunch，套餐價錢由 $128-$208 不等，視乎所選嘅 Main Course 而定，包前菜、主食及 $28 或以下飲品。前菜揀咗是日餐湯 同 煙鴨胸紅菜頭藜麥沙律。今日嘅餐湯係烤燈籠椒忌廉湯，紅甜椒味道好香、濃郁，椒味十分突出，湯身滑溜又唔膩，口感豐富。沙律以紅菜頭醬汁調味，煙鴨胸鹹香肉厚，加上藜麥，有營又健康。燒三文魚香草忌廉手工戒指意粉 ($168) 三文魚大件厚身，外皮煎得很香脆，魚肉熟度剛好，肉嫩多汁；意粉煙韌有咬口，加上 creamy 嘅香草忌廉汁，好有口感。燒西班牙黑毛豬鞍架 ($168) 慢煮豬鞍肉呈粉紅色，質感腍滑。配菜有西蘭花同椰菜花，另外仲有南瓜蓉伴碟，入口軟滑香甜，滋味倍添。今餐食得好滿意，服務員態度親切，食物質素與環境俱佳，絕
上個月嚟皇室堡飲茶，已經留意到 3 樓開咗間歐陸宮廷風西餐廳，裝潢華麗別緻，環境好優雅，已即時 bookmark 咗，趁今日放假，專登同個 friend 嚟食餐晏。
原來餐廳係「INN」系列嘅新分店，設計以純白為主調，配合門外嘅夢幻法式許願水池、歐式拱門和古典水晶吊燈，極具視覺美感，好適合同朋友嚟影相打卡。
我哋每人點咗個 Set Lunch，套餐價錢由 $128-$208 不等，視乎所選嘅 Main Course 而定，包前菜、主食及 $28 或以下飲品。
前菜揀咗是日餐湯 同 煙鴨胸紅菜頭藜麥沙律。今日嘅餐湯係烤燈籠椒忌廉湯，紅甜椒味道好香、濃郁，椒味十分突出，湯身滑溜又唔膩，口感豐富。
沙律以紅菜頭醬汁調味，煙鴨胸鹹香肉厚，加上藜麥，有營又健康。
燒三文魚香草忌廉手工戒指意粉 ($168) 三文魚大件厚身，外皮煎得很香脆，魚肉熟度剛好，肉嫩多汁；意粉煙韌有咬口，加上 creamy 嘅香草忌廉汁，好有口感。
燒西班牙黑毛豬鞍架 ($168) 慢煮豬鞍肉呈粉紅色，質感腍滑。配菜有西蘭花同椰菜花，另外仲有南瓜蓉伴碟，入口軟滑香甜，滋味倍添。
今餐食得好滿意，服務員態度親切，食物質素與環境俱佳，絕對值得再訪。
Post
