Video
Read full review
2022-12-07
305 views
Pulled Pork Lasagna Roll $142芝士微焦，好香口；千層麵好似腸粉咁整，用麵皮捲住手撕豬肉，唔係平時一層疊一層嘅千層麵做法；手撕豬份量足，亦唔會好柴，但略嫌唔夠入味。Cajun Prawn Aioli Chips $64炸蝦炸得好香脆，帶有少少辣味。香蒜蛋黃醬調味唔錯，但可能有醬嘅關係，薯條偏腍，唔夠香口脆身。Earl Grey Pancake $125伯爵茶醬好香濃，pancake係充滿空氣感嘅梳乎厘pancake，入口綿滑，蛋香味濃，好食❤️Mint Chocolate Milkshake $58薄荷味唔會太嗆喉，唔會太甜，有啲似飲緊厚身版嘅Dreyer’s薄荷朱古力雪糕，啖啖都飲到朱古力碎。〰️〰️〰️〰️〰鹹點質素不過不失；奶昔幾好飲，做到甜而不膩；甜點有小驚喜，可能佢始終主打都係賣pancake🤣 不過pancake要等好耐，落單嗰陣諗住後上，店員話要預返20至40分鐘製作叫起，咁我決定都係同鹹點一齊上就得，最後我哋食哂啲嘢，等多10分鐘左右個pancake先嚟，果然係用心製作😅😅😅 食物整體ok嘅，不過價錢略貴，性價比唔高~餐廳冇限入座時間，呢點幾好，可以真正
Pulled Pork Lasagna Roll
5 views
0 likes
0 comments
芝士微焦，好香口；千層麵好似腸粉咁整，用麵皮捲住手撕豬肉，唔係平時一層疊一層嘅千層麵做法；手撕豬份量足，亦唔會好柴，但略嫌唔夠入味。
Cajun Prawn Aioli Chips
16 views
0 likes
0 comments
炸蝦炸得好香脆，帶有少少辣味。香蒜蛋黃醬調味唔錯，但可能有醬嘅關係，薯條偏腍，唔夠香口脆身。
Earl Grey Pancake
21 views
0 likes
0 comments
伯爵茶醬好香濃，pancake係充滿空氣感嘅梳乎厘pancake，入口綿滑，蛋香味濃，好食❤️
Mint Chocolate Milkshake
14 views
0 likes
0 comments
薄荷味唔會太嗆喉，唔會太甜，有啲似飲緊厚身版嘅Dreyer’s薄荷朱古力雪糕，啖啖都飲到朱古力碎。
〰️〰️〰️〰️〰
鹹點質素不過不失；奶昔幾好飲，做到甜而不膩；甜點有小驚喜，可能佢始終主打都係賣pancake🤣 不過pancake要等好耐，落單嗰陣諗住後上，店員話要預返20至40分鐘製作叫起，咁我決定都係同鹹點一齊上就得，最後我哋食哂啲嘢，等多10分鐘左右個pancake先嚟，果然係用心製作😅😅😅 食物整體ok嘅，不過價錢略貴，性價比唔高~
餐廳冇限入座時間，呢點幾好，可以真正嘆下，不過如果係外面等位就唔知要等幾耐啦~ 建議用商場App提早取票，慳返唔少時間👍🏻
服務普普通通，好似唔係好夠店員，成日搵唔到店員幫手；店員亦唔夠主動，有一個店員顧住係側邊整理杯碟餐具，無視咗搵緊人幫手嘅客人，感覺唔係太好。
〰️〰️〰️〰️〰️
食物: 3.5/5
消費: 3.5/5
環境: 3.5/5
服務: 3.5/5
Revisit: Maybe
Post
