Passepartout

Open Now

Now Closed

今日路過佐敦見到閩街有三間比較新既餐廳出現左，而呢間Passepartout門面幾有歐陸風情，而且入面又特別多人光顧，就決定入去一探究竟了。餐廳舖頭不大，不過就放了很多桌子，所以會坐得比較迫，而且同其他人嘅距離比較近的（不過桌與桌之間有膠板隔開的，可以放心）打開餐牌，先發現呢間歐陸式設計既餐廳係主打食中東fusion菜嘅，而且見到隔離枱點嘅嘢食都幾大份，不過因為我一陣都要去別處食晚飯，所以只係點左一個小食-黑松露蕃薯條同一杯Long Black。黑松露蕃薯條 （$68）當上菜嘅時候，先發現自己睇錯餐牌上嘅字，本身以為係薯條，但原來係番薯條先岩，不過蕃薯條幾甜，而且個醬好味，黑松露嘅份量唔會太多，食落唔會太油膩，配埋炸香既番薯條，到一樣美味。Long Black （$35）都係一般嘅黑咖啡，沒什麼特別如果大家路經附近都可以試下喔。