Video
Read full review
2012-04-21
33 views
今天係祖母的生日, 係度再次講聲生日快樂, 祝祖母身體健康, 長命百歲.家人一早已經 book 好是日晚上 7:00 的枱, 而且更選好全包宴 - 歡聚宴皆因有成 17 位, 所以要了 1.5 席未人齊的時候, 早到的人 (包括我) 又有啲肚餓喎, 結果叫了兩隻 $1 雞當餐前小吃.兩隻好似好多, 其實雞不是太大隻的, 但味道及肉質都不錯, 而且最好係一啲都唔肥.* 最後前後加埋要咗三隻 $1 雞, 都係 $3 啫, 抵食.歡聚宴上湯波士頓龍蝦 (伊麵底) - 上湯味道偏淡, 而且獻汁比較杰, 好在龍蝦肉尚算爽口彈牙, 但鮮味一般乳豬併盤 - 叉燒好好味, 乳豬皮脆, 豉油雞及燒鴨一般, 仲有比較特別的豬耳凍 (但並不是爽口的)玉環瑤柱甫 - 節瓜好細件, 所以釀入去的瑤柱更細粒, 味道好一般潮貢炒花姿 - 用貢丸再切碎炒花姿片及翠肉瓜, 味道可以紅燒雞絲雙囍翅 - 環保 + 保育, 唔食翅, 改飲燉湯 (一席有兩窩), 嚮螺准山煲雞, 真材實料, 湯底清甜又唔肥蟹肉扒西蘭花 - 蟹肉不是真的蟹肉, 而是仿蟹肉, 個人覺得味道好假, 所以吃了一條便算了, 西蘭花正常味道清蒸大海班 -
家人一早已經 book 好是日晚上 7:00 的枱,
而且更選好全包宴 - 歡聚宴
皆因有成 17 位, 所以要了 1.5 席
未人齊的時候, 早到的人 (包括我) 又有啲肚餓喎, 結果叫了兩隻 $1 雞當餐前小吃.
兩隻好似好多, 其實雞不是太大隻的, 但味道及肉質都不錯, 而且最好係一啲都唔肥.
* 最後前後加埋要咗三隻 $1 雞, 都係 $3 啫, 抵食.
歡聚宴
上湯波士頓龍蝦 (伊麵底) - 上湯味道偏淡, 而且獻汁比較杰, 好在龍蝦肉尚算爽口彈牙, 但鮮味一般
乳豬併盤 - 叉燒好好味, 乳豬皮脆, 豉油雞及燒鴨一般, 仲有比較特別的豬耳凍 (但並不是爽口的)
玉環瑤柱甫 - 節瓜好細件, 所以釀入去的瑤柱更細粒, 味道好一般
潮貢炒花姿 - 用貢丸再切碎炒花姿片及翠肉瓜, 味道可以
紅燒雞絲雙囍翅 - 環保 + 保育, 唔食翅, 改飲燉湯 (一席有兩窩), 嚮螺准山煲雞, 真材實料, 湯底清甜又唔肥
蟹肉扒西蘭花 - 蟹肉不是真的蟹肉, 而是仿蟹肉, 個人覺得味道好假, 所以吃了一條便算了, 西蘭花正常味道
清蒸大海班 - 皆因有 1.5 席, 所以有一大一小共兩條魚, 但味道反而係細條的仲好吃 (可惜兩條魚都稍稍蒸耐咗)
脆皮燒雞 - 十分可惜不是脆皮的, 而且大家已經食了好多雞了 (3 隻 $1 雞, 乳豬併盤的豉油雞, 燉湯的雞), 所以只吃了數件, 其他就打包攞走
珍珠荷葉飯 - 推介, 好味, 並不是用珍珠米做荷葉飯, 而是珍珠雞size的荷葉飯, 一籠有 6 件, total 有三大籠共 18 件, 飯底乾身有淡淡荷葉香, 好好味
萬壽桃包 - 中型 size 的, 內裡只有蓮蓉沒有咸旦王, 蓮蓉不太死甜, 對不好甜的小弟來說味道可以接受
美中不足的, 竟然唔包生果併盤.
全包宴還包括啤酒 2 支 (1 支可轉罐裝汽水 2 罐) + 果茶 2 酌, 當然免收加一及茶芥
每席 $2588, 1.5 席 = $3882, 連埋三隻 $1 雞, $4000 有找, 一家人食飯來說, 都算抵食, 何況味道及份量都OK.
* 平日 (一至五) 每席 $1988
Post