i kitchen (Closed)

又係一月一度嘅聚會，今次係由朋友負責揾餐廳，可能佢係喺觀塘上班，所以揾到工業大厦嘅樓上舖餐廳做聚會地點。工業大厦位置都幾易揾，「巧明街」即係APM後面嗰條街，跟住Google map去行，向牛頭角方向前行就揾到「冠力工業大厦」。夜晚入工業大厦，保安亞伯要我地登記身份證先俾搭。上到2樓出轉左就係餐廳「i kitchen」餐廳話大唔大，話細唔細，黑色嘅牆掛咗好多幅畫，畫嘅嘢我唔識，但睇落唔似係街外買嘅畫，似係自己畫多d。我地被安排坐近落地玻璃，即係一邊梳化位一邊普通座椅嗰種。頭盤我嗌咗「焗金文拔芝士配蕃茄羅勒餅」＄78。伴碟嘅沙律菜淋咗黑醋同埋有芝士碎，金文拔芝士嘅味係濃但唔怪，用羅勒餅點嚟食係幼滑天花板嘅級數。主菜我嗌咗「照燒美國穀飼牛肩胛」＄178。 嗌3成熟似5成熟上枱，牛味濃係我至愛，肉質結實而且肥瘦適中，我乜汁都唔洗點，好快食哂2件牛肩胛。