富臨漁港囍臨門酒家 (Closed)

Facebook見到佢哋有新出既極品黃油蟹餐份量好似幾多而且都幾就腳。屋企人住喺附近所以都成日落黎飲茶，決定不如喺呢度試吓佢嘅黃油蟹晚餐。黃油蟹餐嘅七個菜式有脆皮乳豬，響螺湯，魚，蟹，菜仲有甜品同埋甜品，同埋包。真係超豐富。新鮮嘅乳豬份量啱啱好夠4人食，皮脆肉嫩。啱啱上到黎仲係熱辣辣真係好正。原盅既燉響螺湯每人可以大約飲到兩碗，青青甜甜咁樣而且入邊真係捉了見到有雞同埋響螺。蠔皇花膠扒翡翠，花膠都幾大隻而且仲有好友咪配搭埋真係送飯一流。古法蒸龍躉腩，肉質幾鮮，如果份量再多啲會更好。因為我屋企人超鍾意食魚，呢一隻魚唔會好腥味，因為佢嘅調味都幾香，真係好抵食。黃油蟹總共有兩隻，我地開咗邊，入邊黃色嘅蟹真係小有，真係超肥美而且好新鮮，大大隻，而且啲肉都幾多，配埋佢既黃油味。真係好吸引。XO醬爆蝦球蚌片，蝦球超級大粒，而且蚌片份量都唔少架，最緊要炒得好有火喉！生煎菜肉包，同埋桂花糕作為呢一餐嘅尾聲，最緊要一家大細都開心。