喜記避風塘炒辣蟹 (肇明大廈)

Open Now

Now Closed

我不嬲都好鍾意食海鮮，每次諗起想食夠鑊氣嘅炒海鮮，就一定會諗起銅鑼灣呢間，呢間無論係乜嘢海鮮都好，炒出嚟都一定好夠鑊氣，而且海鮮都好新鮮，全部都好肥美，所以食炒海鮮一定係我首選。今日叫咗幾樣嘢都覺得好好食，第一樣就係豉椒炒蜆，完全冇沙，一隻都脹卜卜，豉椒味亦都夠濃郁。第二樣就係帶子炒西蘭花，啲帶子超大隻，而且新鮮爽口，加埋炒得清脆嘅西蘭花，成件事覺得好健康。就係最重點嘅避風塘炒辣蟹！呢個真係每次嚟道別點嘅！呢度啲蟹夠新鮮夠大隻，就算係炒過，都食得出啲蟹係鮮甜嘅，而且肉質好好，夠彈性！