Video
Read full review
2022-01-03
24 views
本身對印度菜幾有興趣但好少有機會試，今次朋友帶去佢公司附近嘅印度餐廳，店內裝潢充滿印度色彩，富地道風情！.🌕 炸米餅配薄荷汁 $88第一次試呢種印度小食，空心嘅圓波波炸米餅非常薄脆，入面塞滿馬鈴薯及洋蔥粒。食嘅時候將薄荷汁倒入波波裡面，可以再加少少搭配嘅薄荷醬及甜辣醬，酸甜微辣非常開胃！.🍗 牛油雞 $92牛油雞係經典印度菜式，用咗雞髀肉，香料醃得幾入味，肉質嫩滑又無骨，特別喜歡佢帶有炭燒香氣！咖喱辣味不重，帶番茄酸甜及牛油香味，增添多重滋味！.🐮 椰汁咖喱牛腩 $102估唔到印度餐廳都有牛肉菜式，老闆話係特登迎合香港人需要。咖喱帶香濃椰汁唔會太辣，質感濃郁稠身，牛腩口感軟腍吸收晒咖喱精華，配烤餅食一流！.🧀 芝士烤餅 $36烤餅表皮微脆，入面夾住芝士，咬落煙煙韌韌帶芝士鹹香，同咖喱係完美配搭。.🍚 印式芝士炒飯 $98炒飯用了印度長米，飯粒比較乾身有咬口，微辣帶黃薑香氣。飯裡面加入粟米、青豆及Paneer，印度芝士Paneer切到一粒粒，口感有啲似硬豆腐，帶淡淡奶香，幾特別！.🥭 芒果酸奶 $37芒果味道天然，果甜及乳酪味道balance，質感綿密滑順，解辣必飲之選。.🥥 椰青 $4
本身對印度菜幾有興趣但好少有機會試，今次朋友帶去佢公司附近嘅印度餐廳，店內裝潢充滿印度色彩，富地道風情！
.
🌕 炸米餅配薄荷汁 $88
第一次試呢種印度小食，空心嘅圓波波炸米餅非常薄脆，入面塞滿馬鈴薯及洋蔥粒。食嘅時候將薄荷汁倒入波波裡面，可以再加少少搭配嘅薄荷醬及甜辣醬，酸甜微辣非常開胃！
.
🍗 牛油雞 $92
牛油雞係經典印度菜式，用咗雞髀肉，香料醃得幾入味，肉質嫩滑又無骨，特別喜歡佢帶有炭燒香氣！咖喱辣味不重，帶番茄酸甜及牛油香味，增添多重滋味！
.
🐮 椰汁咖喱牛腩 $102
估唔到印度餐廳都有牛肉菜式，老闆話係特登迎合香港人需要。咖喱帶香濃椰汁唔會太辣，質感濃郁稠身，牛腩口感軟腍吸收晒咖喱精華，配烤餅食一流！
.
🧀 芝士烤餅 $36
烤餅表皮微脆，入面夾住芝士，咬落煙煙韌韌帶芝士鹹香，同咖喱係完美配搭。
.
🍚 印式芝士炒飯 $98
炒飯用了印度長米，飯粒比較乾身有咬口，微辣帶黃薑香氣。飯裡面加入粟米、青豆及Paneer，印度芝士Paneer切到一粒粒，口感有啲似硬豆腐，帶淡淡奶香，幾特別！
.
🥭 芒果酸奶 $37
芒果味道天然，果甜及乳酪味道balance，質感綿密滑順，解辣必飲之選。
.
🥥 椰青 $42
清甜解膩，椰青肉亦好軟嫩。
.
☕️ 特式香料茶 $29
食完飯老闆介紹試吓印度香料茶，飲落有肉桂、胡椒及其他多種香料，味道濃烈豐富，加入牛奶之後，口感非常滑順，推介！
.
整括而言：餐廳環境舒適，老闆好友善會同客人傾吓偈，仲主動幫我哋影相。由印度人主理嘅印度菜，感覺正宗富地道風味，定價又唔高，想食印度菜嘅朋友可以試試！
.
Post
