Dilliwale

Open Now

Now Closed

朋友响銅鑼灣返工，佢同事推介佢去一間印度餐廳，係由印度人主理，可以食到正宗印度菜。呢間印度餐廳响呢個廣場9樓，一出lift就覺得好光猛，周圍好colourful，真係好有印度feel。餐牌都好多嘢食，朋友發辦揀左幾個嘢食。乳酪脆米球：呢個小食味道好特別，入口係凍凍地嘅乳酪，裡面係薯仔同鷹嘴豆等配料，個醬汁有少少酸酸辣辣同洋蔥味道，脆脆地，又幾好食喎。原味烤餅：烤餅有唔同味道，但用黎點椰汁咖喱雞，叫原味就可以。烤餅大塊，剛烤起，仲係熱，用黎點咖喱就啱晒。椰汁咖喱雞：椰汁味淡淡，咖喱雞辣辣地，有彊同洋蔥味，甜甜地，幾惹味。雞肉炒飯：炒飯唔太多油，裡面有三色椒同洋蔥等配料，印度米修長，口感都OK喎，呢個飯炒得唔錯，夠香夠味，好食。