Video
Read full review
2022-10-29
176 views
🇮🇳🇮🇳印度之友又去重慶大廈搵食，繼上次食過珍珠皇宮印度餐廳之後，今次去咗佢哋嘅兄弟店，華達印度餐廳，都係同一個老闆，喺重慶大廈屹立多年非常有名氣，餐廳細細間，裝修貫徹印度一向風格，以啡紅色為主，牆上掛滿印度掛畫，播住輕快嘅印度音樂，心情輕鬆，食得開心😋老闆竟然認得我，話我上次喺隔離鋪食過，其實都唔知係咪🤣🤣，跟住叫我今次試吓新嘢，我就將點菜嘅責任交俾佢，但我話一定要有我最愛嘅牛油烤雞，每次食印度嘢都一定要食😋😋🥠▪️Lachha Paranth 炸牛油鬆餅 $ 28鬆餅就好似酥油餅咁，搣開係一絲一絲咁，好酥軟又帶點脆口，雖然佢係炸，但係一啲都唔油，而且充滿牛油香，配咖喱簡直係最佳拍檔，老闆呢個介紹真心正🫔▪️Kashmiri Nan 乾果果仁烤餅 $ 35呢款烤餅好特別，最傳統嘅烤餅中間包住切得好碎好碎嘅果仁同埋乾果，非常有口感，質感帶少少濕潤，味道鹹鹹甜甜，有少少芝士嘅味道，如果食過蒜蓉或者芝士餡餅，真心推介要試吓呢個，幾好食🐔▪️Butter Chicken 牛油烤雞 $ 98我嘅最愛，每次都一定要食，雞肉以大量香料醃製，味道濃郁，雞肉好香滑，用印度牛油（Ghee）及大量蔬菜作為醬汁的
🇮🇳🇮🇳印度之友又去重慶大廈搵食，繼上次食過珍珠皇宮印度餐廳之後，今次去咗佢哋嘅兄弟店，華達印度餐廳，都係同一個老闆，喺重慶大廈屹立多年非常有名氣，餐廳細細間，裝修貫徹印度一向風格，以啡紅色為主，牆上掛滿印度掛畫，播住輕快嘅印度音樂，心情輕鬆，食得開心😋
老闆竟然認得我，話我上次喺隔離鋪食過，其實都唔知係咪🤣🤣，跟住叫我今次試吓新嘢，我就將點菜嘅責任交俾佢，但我話一定要有我最愛嘅牛油烤雞，每次食印度嘢都一定要食😋😋
🥠▪️Lachha Paranth 炸牛油鬆餅 $ 28
鬆餅就好似酥油餅咁，搣開係一絲一絲咁，好酥軟又帶點脆口，雖然佢係炸，但係一啲都唔油，而且充滿牛油香，配咖喱簡直係最佳拍檔，老闆呢個介紹真心正
🫔▪️Kashmiri Nan 乾果果仁烤餅 $ 35
呢款烤餅好特別，最傳統嘅烤餅中間包住切得好碎好碎嘅果仁同埋乾果，非常有口感，質感帶少少濕潤，味道鹹鹹甜甜，有少少芝士嘅味道，如果食過蒜蓉或者芝士餡餅，真心推介要試吓呢個，幾好食
🐔▪️Butter Chicken 牛油烤雞 $ 98
我嘅最愛，每次都一定要食，雞肉以大量香料醃製，味道濃郁，雞肉好香滑，用印度牛油（Ghee）及大量蔬菜作為醬汁的材料，香濃惹味，配白飯或印度烤餅最適合不過😋
🧀▪️Punjabi Paneer Tikka 印度芝士燒烤 $118
呢個又係老闆推介一定要食，芝士迷一定唔可以錯過，印度芝士帶香濃嘅牛奶味，質感煙煙韌韌，配上香草醬燒香，用鐵板上枱保持熱辣辣，說不出的好味，再配合店舖自家製嘅薄荷醬，味道更濃又有另外一番風味，亦唔可以錯過配菜燒洋蔥青紅椒，食到蔬菜原始味道好清甜
🫖▪️Masala Tea $ 25
主要成份有薑、豆蔻、小茴香和肉桂等等香料，喜愛重香料味道的我已經被迷上了，熱飲更能飲出香味，這裏做的比較重薑味，我喜歡，飲完好溫暖，特別一提記得一定要叫少甜，味道啱啱好，因為印度人嘅口味係偏甜🤣
🍺▪️kingfisher (Indian Beer ) $ 38
印度最大嘅啤酒廠出品，味道帶著麥芽的香甜，清爽的口感，搭配咖喱等印度美食是非常不錯的體驗。
Post
