Video
Read full review
2024-12-23
119 views
今晚同左老公去左中環soho區，佢帶左我去間新開嘅墨西哥菜酒吧餐廳食晚飯。餐廳有兩層，地下層係半開放式，對住街景食飯，傾吓計飲吓嘢，又幾寫意。餐牌選擇都唔少，菜式名全部以西班牙語命名，老公發辦叫左個starter、Taco同主菜，另外再叫左兩杯cocktail。Ceviche：源於秘魯一種料理，裡面有熟蝦仁、洋蔥、香草、牛油果同蕃茄等，食材全部切成小粒，用左新鮮青檸汁做醬汁，配埋旁邊墨西哥粟米脆片一齊食，整體口感好fresh好新鮮，酸酸地，作為開胃菜好適合，幾好。Surf & Turf Taco：地道墨西哥傳統菜，係一款捲餅。餅皮烘得夠香，餡料主要有蝦同燒牛，然後mix埋洋蔥、香草、牛油果同蕃茄莎莎醬等，表面仲有層濃厚乳酪醬，咬落去肉汁漏晒出黎，口感豐富，旁邊仲有個蕃茄加洋蔥醬汁，想味道重D就加，呢個taco我就幾鐘意。Carne Asada：即香煎牛排，我哋叫左medium，牛排粉嫩色，以慢煮手法烹調，所以保留左牛排原味道，食落較嫩多汁，而旁邊亦有兩款墨西哥傳統自家製醬汁，分別係牛油果配洋蔥醬汁同黑豆醬汁，點烤薄或撈飯食都好好味，唔錯。Santa Monica Sunset：Sign
餐廳有兩層，地下層係半開放式，對住街景食飯，傾吓計飲吓嘢，又幾寫意。
餐牌選擇都唔少，菜式名全部以西班牙語命名，老公發辦叫左個starter、Taco同主菜，另外再叫左兩杯cocktail。
Ceviche：源於秘魯一種料理，裡面有熟蝦仁、洋蔥、香草、牛油果同蕃茄等，食材全部切成小粒，用左新鮮青檸汁做醬汁，配埋旁邊墨西哥粟米脆片一齊食，整體口感好fresh好新鮮，酸酸地，作為開胃菜好適合，幾好。
Surf & Turf Taco：地道墨西哥傳統菜，係一款捲餅。餅皮烘得夠香，餡料主要有蝦同燒牛，然後mix埋洋蔥、香草、牛油果同蕃茄莎莎醬等，表面仲有層濃厚乳酪醬，咬落去肉汁漏晒出黎，口感豐富，旁邊仲有個蕃茄加洋蔥醬汁，想味道重D就加，呢個taco我就幾鐘意。
Carne Asada：即香煎牛排，我哋叫左medium，牛排粉嫩色，以慢煮手法烹調，所以保留左牛排原味道，食落較嫩多汁，而旁邊亦有兩款墨西哥傳統自家製醬汁，分別係牛油果配洋蔥醬汁同黑豆醬汁，點烤薄或撈飯食都好好味，唔錯。
Santa Monica Sunset：Signature Cocktail之一，賣相幾靚，橙橙紅紅，好有sunset感覺。裡面有tequila、石榴汁、橙汁同梳打等，表面再加新鮮橙做裝飾，酒味濃帶少少果汁甜味，幾啱女仔飲。
Classic Margarita：經典版Margarita，用左tequila同新鮮青檸汁調配。杯邊粘有一層細鹽，同tequila一齊飲味道更好，而佢嘅酒味極濃，老公話幾好飲。
Post
