新肥泉海鮮大排檔

Open Now

Now Closed

正宗大排檔地方濶落，姐姐態度亲切，有电话点菜，見到客人由廿几歲到几廿歲都有！价钱亦相宜，食物种类繁多我哋叫咗三个小菜，飲下酒有BB鴿，避风塘田雞，油浸笋殼BB鴿係真BB，皮薄肉嫩，香口，連啲胸骨都好夠味！避风塘田雞炸得夠透，再加蒜葱辣椒爆炒，好入味，啲葱差啲搶咗主角风头油浸芛殼好嫩，宜家少咗飯店做，呢度煎炸嘢都好到位！价钱唔贵，三个硬菜，黑白啤飲到飽，食到飽都唔使六舊水！地鐵都係行5-6分钟，難怪咁多人食，好多枱都係订枱，可能大枱唔订無得食。見到有羊腩煲，三舊几有菜跟，今次人太少，实在食唔到，太飽，下次要试下！