Video
Read full review
2017-11-23
99 views
夜晚放工時段出左去旺角中心搵完朋友，就不如簡簡單單係附近搵餐廳食晚飯，有人偏好泰國菜，於是openrice搵到呢間係未食過既，呢條街都有啲野食，有食過呢條街既米線，不過唔知原來呢度開左泰國餐廳。舖店細細，不過平日都有位，原來樓上都有大檯，我仲諗左一陣如果剩係得樓下幾張細檯咪好快無位😅牆身貼滿曬餐牌上既食物相片，有得睇相片梗係食慾大增，搞到好多野都想食！燒豬頸肉、沙爹串燒睇落好似燒到少少焦邊，menu有二人套餐都幾抵食，之但係lunch食得好飽所以我地決定散叫可以自由選擇～首先去到邊間泰國餐廳都要叫既冬陰功，我地叫左一份細既，2個人share都有4小碗，即係每人有2小碗，都好抵飲！味道夠開胃！飲左1碗開始覺得幾辣不過佢既酸中和左，裡面有好多香料，又有好多秀珍菇同埋2隻新鮮大蝦，即刻令冬陰功增添唔少鮮味！蝦真係好鮮甜，唔係一般無味既急凍蝦，讚！而生菜包夾雜住紅蔥頭、蔥、香葉，豬肉炒得唔鞋夠juicy，肥瘦適中，自己鐘意再酸D，加D檯上既調味料就最正！豬肉碎有好多，相比下生菜得5-6塊唔夠包呢～如果多2塊生菜，大概有8塊就perfect!仲有叫左個炒飯，唔好睇少佢，其實呢度叫份量好多！食落口
舖店細細，不過平日都有位，原來樓上都有大檯，我仲諗左一陣如果剩係得樓下幾張細檯咪好快無位😅
牆身貼滿曬餐牌上既食物相片，有得睇相片梗係食慾大增，搞到好多野都想食！燒豬頸肉、沙爹串燒睇落好似燒到少少焦邊，menu有二人套餐都幾抵食，之但係lunch食得好飽所以我地決定散叫可以自由選擇～
首先去到邊間泰國餐廳都要叫既冬陰功，我地叫左一份細既，2個人share都有4小碗，即係每人有2小碗，都好抵飲！味道夠開胃！飲左1碗開始覺得幾辣不過佢既酸中和左，裡面有好多香料，又有好多秀珍菇同埋2隻新鮮大蝦，即刻令冬陰功增添唔少鮮味！蝦真係好鮮甜，唔係一般無味既急凍蝦，讚！
冬陰公（細）
$78
5 views
0 likes
0 comments
而生菜包夾雜住紅蔥頭、蔥、香葉，豬肉炒得唔鞋夠juicy，肥瘦適中，自己鐘意再酸D，加D檯上既調味料就最正！豬肉碎有好多，相比下生菜得5-6塊唔夠包呢～如果多2塊生菜，大概有8塊就perfect!
生菜包
16 views
0 likes
0 comments
仲有叫左個炒飯，唔好睇少佢，其實呢度叫份量好多！食落口發現好香，原來除左蝦、魷魚、蟹柳之外，仲落左蝦皮！閘係蝦毛仔增加鮮味！唔怪得炒得咁香口啦～又要讚多次，佢用既蝦唔似急凍蝦，肉質好彈牙～
另外青檸梳打都好好味，好濃青檸汁係底，正👍🏻
11 views
0 likes
0 comments
11 views
0 likes
0 comments
兩口子或幾個朋友咁啱係旺角區想舒服食泰國野，其實呢度都唔錯！食物都黎得幾快，10-15分鐘全部上曬檯！服務都幾好～
Post
