霞飛飛

Open Now

Now Closed

先要一讚霞飛飛嘅員工服務周到，態度親切友善，仲會主動關心我地嘅座位會唔會大風。酒樓嘅環境舒服，裝修別緻，最啱一家人黎聚餐。花素蒸餃手工精細，餡料調味適中。灌湯生煎包外層煎得香脆，皮薄餡多，一咬開，湯汁湧出，肉香味十足。紅燒小圓蹄好有驚喜！大大隻圓蹄燜得好腍，輕輕一切，圓蹄肉便可離骨。至於圓蹄皮則軟腍而唔油膩。砂鍋松茸老豆腐嘅砂鍋size好大，但份量比想像中少🤣。豆腐燜得入味，松茸味道香濃，湯底帶點微辣。去骨樟茶鴨先沾上醬汁，夾在軟熟嘅小蒸包間一起吃，口感豐富。如果要挑剔，就只可說樟茶鴨較為瘦身，如果再多啲油香味就更佳！招牌海皇炒飯夠晒鑊氣，不過配料唔太多，帶點微辣。最尾食個高力豆沙香蕉作結。