R.T. 泰國美食

Open Now

Now Closed

某日經過E間泰國外賣小店，見佢係家庭run就試咗一次，然後連續三晚都係食佢。爸爸媽媽負責煮，個仔就負責落單。第一晚食咗香葉肉碎飯，真係好好味，但係對我來講辣左少少，但係已經讓我對依間小店大大增加信心。第二晚就食咗泰國炒粉絲，心思思加咗燒雞翼串燒，仲有三隻醤料配，我就揀咗沙嗲醬。粉絲炒得啱啱好，唔太乾唔太濕仲有好多菜配料。第三晚就試咗冬陰公湯丶炒椰菜苗同埋濕炒海鮮金邊粉。冬陰公湯都有好多料。全力支持小店，而且仲係泰國人親手煮。可以預先打電話預訂，方便又快捷。夜晚黑冇時間煮飯，就係最啱嘅選擇。