R.T. 泰國美食

Open Now

Now Closed

平時都好鍾意食呢間泰國菜，但係第一次叫外賣自取，今次有啲失望，啲炒粉麵好似冇堂食咁好食，冇乜味道，同埋啲餸好少，再加上可能外賣，啲面痴埋一嚿嚿，不過我哋其實只係拎咗上樓上食，唔係行到好遠，唔明白點解會咁…今次叫咗蝦醬炒飯，泰式蝦炒金邊粉，乾炒喂海鮮河同埋香葉肉碎炒飯，再加多個皮蛋炸蝦餅！香葉肉碎炒飯辣辣地幾惹味，呢個飯味道冇問題～蝦醬炒飯冇咩蝦醬味，又冇咩餸，感覺成個飯冇乜味，同埋冇咩鑊氣！泰式炒金邊粉同埋河粉，黐埋晒一嚿嚿，比較難夾起，有少少失望！平時堂食覺得幾好食，唔知點解今次會冇乜嘢味道同埋好油，炒得冇之前咁乾身！最好食係皮蛋炸蝦餅！炸到好脆！份量就係兩個，不過食到最後有一兩舊係個皮蛋好鹼！呢個小食冇退步！

最近去到紅磡食午餐， 呢間泰國餐廳近何文田地鐵附近， 方便找到的小店！ 估唔到簡嘩一個午餐都好好食啊， 好有獲氣，乾炒牛河好適合香港人口味， 我個人覺得好食過平時茶餐廳啊！ 仲有龍眼冰，正啊

疫情關係放工去咗呢一間泰國小店買晚飯，一去到門口嘅時候，我見有3組人在等待外賣。我點了菠蘿炒飯、泰式碎肉煎蛋飯、及2串串燒... 之後在店外等候。 店裡只要一個廚師，一個樓面。 其間都有人到店叫外賣. 當我前面的2 組客人已拎到外賣。 這時，有一位應該跟樓面熟悉的顧客，一去到跟樓面一邊談天一邊等後食物，可能佢之前打咗電話落order啦，很快他的外賣都ready 可以拎走。當時我已經等咗半個鐘。 所以我有禮貌地問樓面：「姐姐，我叫左菠蘿炒飯、泰式肉碎煎蛋飯、及2串串燒唔知幾時有呢？」 這時樓面好晦氣咁話「整緊啦，你前面嗰個仲等緊啦」，而嗰位貌似相熟的食客一邊拎走外賣一邊搭嘴講「佢整緊㗎啦」最後我除咗等我前面果組客人拎咗外賣外，我後面哪組都拎到外賣，先輪到我張外賣ready....講番食物，炒飯及泰式肉碎都好夠鑊氣，同好泰國風味。 不過串燒，因為之前已燒好，之後返燒返熱，肉偏老，味道一般。so far，食物係OK嘅。不過，如果你見到呢一間舖頭好多人等食物的話，你要有心理準備可能要等頗長嘅時間，同埋你千祈唔好去問姐姐個status。

位於紅磡一條小行的這間小店，店舖雖小，但食物質素非常出色。店家是一家泰國人主理，無論炒粉麵飯以及串燒都十分美味，非常地道，服務態度也十分好。本人十分推薦海鮮波蘿炒飯及燒豬頸肉。海鮮波蘿炒飯非常足料，有蝦、魷魚、大量菠蘿，最後還有滿滿的肉鬆鋪面。串燒是非常傳統的碳燒爐，而且老闆娘每次都很有心將燒豬頸肉燒焦的部分剪走，真的是非常有良心的小店。由於平時人客都不少，建議大家可以先打電話落order再自取。

I used to go to their old Hunghom shop for years opposite the McDonalds...until it closed and I was utterly devastated. I wasn't aware that they opened another shop in the area until yesterday when I decided to go on a long walk and found them! Needless to say, when I saw the Dad, Mom, and Son that run the little Thai food stall, I got all my old favorites and of course, went back for more tonight after being deprived and unaware that they are still in the area! Cheap, delicious, and they are al

橫巷內的小店，只能做外賣，由2位泰國人主理，唔好睇舖仔細細，都有很多款式，有串燒、咖喱、炒粉麵飯、湯都有。黃昏時分，肚仔有些餓，又唔想影響晚飯，叫咗幾串串燒。由左至右：雞肉串，醃得入味，肉嫰有肉汁。墨魚丸串，外皮微焦香，墨魚丸肉鬆軟。燒雞全翼，好多時個雞膇位沒燒透而未夠熟，這處會將雞膇位倒轉再燒，以確保熟透。雞皮燒得脆卜卜，內裏仍保持肉汁。豬頸肉串，畧肥，雖邪惡些，可有燒香的豬油混和豬頸肉一起吃，又的確美味得多。沙爹醬，稀稀的，味道唔濃，無乜特別，可以改善些。好在串燒本身調得入味。

其實我好少會為一間餐廳寫食評，但係呢一間小店真係很有誠意。我已經幫襯過好多次，今次決定出post。我今次都等左一陣，但係見到佢哋煮食的過程，其實都真係幾次去泰國的夜市嘅感覺。我今次叫泰式炒粉絲，見到啲相其實都非常足料。鑊氣十足。好過好多出邊嘅鋪頭仲有佢哋的串燒也很好，燒豬頸肉，燒雞翼，和燒豬肉串也是非常好。鍾意食串燒嘅朋友可以試試。我見到樓上個post，其實佢哋個電話打去要耐D先聽. 晚飯時間可以15分鐘打電話落去攞。

紅磡小食店愈開愈多，尤其係觀音街小巴站附近。之前行過差館里見到R.T. Thai BBQ，有新野試就買左燒豬頸肉返屋企加餸。原來係即叫即燒，都幾大塊，份量夠食，價錢又商宜，一路等外賣一路傳來燒烤味，好肚餓呀!店主仲隨外賣附送醬汁，辣辣地，點豬頸肉好惹味。唔好睇舖頭細細，選擇都幾多。仲有客人叫串燒即買即食。睇黎下次得閒可以試下menu上面其他野食luuuuu，仲可以打外賣電話落定order

優點：味道豐富，食材料足夠火候！最緊要係食完第二日冇肚痛😂D東南亞食物最緊要係乾淨。缺點：外賣打電話冇人接，要親自落去叫外賣。整體：會再幫襯，咖喱煮得好好味👍🏿

某日經過E間泰國外賣小店，見佢係家庭run就試咗一次，然後連續三晚都係食佢。爸爸媽媽負責煮，個仔就負責落單。第一晚食咗香葉肉碎飯，真係好好味，但係對我來講辣左少少，但係已經讓我對依間小店大大增加信心。第二晚就食咗泰國炒粉絲，心思思加咗燒雞翼串燒，仲有三隻醤料配，我就揀咗沙嗲醬。粉絲炒得啱啱好，唔太乾唔太濕仲有好多菜配料。第三晚就試咗冬陰公湯丶炒椰菜苗同埋濕炒海鮮金邊粉。冬陰公湯都有好多料。全力支持小店，而且仲係泰國人親手煮。可以預先打電話預訂，方便又快捷。夜晚黑冇時間煮飯，就係最啱嘅選擇。