Video
Read full review
2019-06-20
393 views
中東/摩洛哥菜真係好少食，今次係網上做咗資料搜集，見到呢間好評不少，位於尖沙咀地理位置都方便，就嚟一試摩洛哥菜既滋味！餐廳內外位於尖沙咀亞士厘道的商業大廈，都唔算難搵，餐廳頗大，一入到去已經見到中東菜既特色塔吉鍋既鍋蓋放滿枱面，入面以中東擺設做主調，好有感覺。食物選擇有Dinner Set亦有單點，價錢唔算貴，特別係Dinner Set好抵食，諗都冇諗就揀左Deluxe Set。Deluxe Set for 2 Person $488包括兩碗湯、一份沙律、一份前菜、兩份主菜、兩份甜品及兩杯飲料，以咁多野食嚟講，價錢十分相宜！Soup有兩款可供選擇，分別係Lentil Soup及Harira Soup，我地就各要一款。Lentil Soup(圖中右面)即係摩洛哥蕃茄濃湯，材料有蕃茄、羊肉、扁豆、鷹嘴豆、香菜、西洋芹，顏色比較深色，仲每羹都有湯料，縱使有香料仲有羊肉，佢既質地亦好濃稠，近似sauce既質地，但飲落比較淡，味道唔濃烈。至於Harira Soup(圖中左面)即係扁豆湯，呈黃綠色，材料就有西芹、香菜、扁豆、洋蔥、蒜頭及蕃茄，呢碗就濃味好多，好重西芹、香菜味，同樣濃稠質地，有沙沙蓉
餐廳內外
位於尖沙咀亞士厘道的商業大廈，都唔算難搵，餐廳頗大，一入到去已經見到中東菜既特色塔吉鍋既鍋蓋放滿枱面，入面以中東擺設做主調，好有感覺。食物選擇
有Dinner Set亦有單點，價錢唔算貴，特別係Dinner Set好抵食，諗都冇諗就揀左Deluxe Set。Deluxe Set for 2 Person $488
包括兩碗湯、一份沙律、一份前菜、兩份主菜、兩份甜品及兩杯飲料，以咁多野食嚟講，價錢十分相宜！
Soup
有兩款可供選擇，分別係Lentil Soup及Harira Soup，我地就各要一款。Lentil Soup(圖中右面)即係摩洛哥蕃茄濃湯，材料有蕃茄、羊肉、扁豆、鷹嘴豆、香菜、西洋芹，顏色比較深色，仲每羹都有湯料，縱使有香料仲有羊肉，佢既質地亦好濃稠，近似sauce既質地，但飲落比較淡，味道唔濃烈。至於Harira Soup(圖中左面)即係扁豆湯，呈黃綠色，材料就有西芹、香菜、扁豆、洋蔥、蒜頭及蕃茄，呢碗就濃味好多，好重西芹、香菜味，同樣濃稠質地，有沙沙蓉蓉既口感，亦重扁豆及香料味，比較重口味，及帶草腥味，未必個個鍾意飲。Salad
兩款之中揀左Turkish Salad，主要係沙律菜、橄欖、芝士及青瓜組成，清新爽口。Starter
Falafel 3PC
16 views
0 likes
0 comments
有四款選擇，揀左Falafel 3PC，即係油炸鷹嘴豆餅，外層炸到脆卜卜，一咬落去入面加入香草、洋蒽等，呈綠色，因為洋蔥辣辣地，外脆內軟及蓉蓉質感，好岩我口味！Main Course
可以係四款主菜中揀兩款，揀左Mix Grill及Chicken Tagine。
--Mix Grill
Mix Grill with Pita Bread
12 views
0 likes
0 comments
Pita Bread
7 views
0 likes
0 comments
可配飯或者Naan Bread，店員指由於是日麵團發酵唔好無Arabic / Moroccan Bread，Naan都冇，就供應左 Pita Bread。Mix Grill有烤雞翼、雞扒、羊架及牛肉餅，擺盤比較隨意少少，先試雞扒，以辣粉醃製，食落辣辣地好惹味，肉質又醃到甜甜地，開胃；羊架就比較韌左啲；至於牛肉餅唔算太乾。Pita Bread本身都幾鬆化煙韌，配有醬汁既好夾。--Chicken Tagine
食中東菜Tagine又點少得食Tagine塔吉鍋，佢個樣十分可愛，因為有頂高帽，設計既原理係三角圓錐造型令蒸氣循環上升，有效減少水分流失，咁就可以保持食物原汁原味。雞肉配上檸檬、橄欖，雞有兩大件，約四分之一隻雞，醬汁都係重芹菜、香菜味道，雞肉煮到十分容易就骨肉分離，但唔算好嫩滑，同樣可配飯/薯條/Arabic Bread，揀左配飯，係長米，鍾意長米夠乾身。Drinks
Mango Lassi
11 views
0 likes
0 comments
Desserts
Baklawa(左)、Basboussa(右)
8 views
0 likes
0 comments
--Baklawa
Baklawa
5 views
0 likes
0 comments
--Mahalabia
Mahalabia就係阿拉伯甜點，主要以奶製成，食落質感就似椰汁糕，都幾得意。整體來說，店員都係外地人，估計係來自摩洛哥/中東國家，好有禮貌，服務唔錯，不過食物上枱速度就比較慢，當置身佈滿中東擺設既環境中，餐廳又唔似本地經營模式咁咁Chur趕住翻枱甚至趕客走，而係希望食客慢慢享受廚師炮製既美食，會令人放低緊張既心情，慢慢relax地食一頓晚飯。
Post
