天勝

Open Now

Now Closed

聽聞cwb恩平道有好多好野食，今晚就去打下卡，試左呢間叫天勝既日式居酒屋店。一嚟到啲服務都好體心，比左個暖毛巾我地抹手，非常細心。因為我朋友呢幾日介緊食刺身同生野，我地今晚叫既都系熟食，有牛肉蕎麥麵、三文魚茶漬飯、味林魚干同埋鹽燒鯖魚。牛肉蕎麥麵入面有好多牛肉，多到我要同朋友share嚟食，啲蕎麥麵軟硬適中，好香蕎麥味，岩曬我呢啲蕎麥麵fan呀！個三文魚茶漬飯清清地，啲山葵好香，撈埋落去食將簡單既茶漬飯提升到另一層次，原來山葵先系呢個主食既精華！味林魚干都燒得好香，一擺上台感受到熱力，似是岩岩燒好咁樣。鹽燒鯖魚都好好味，簡單燒出鯖魚的精華，做到燒鯖魚的精髓。