麵屋一平安 (Closed)

今次同朋友嚟到麵屋一平安嘅美麗華廣場分店，品嘗地道日式拉麵！晚上時段，餐廳仲會有二人套餐可以揀，包括有2個主食+2個小食+2杯飲品，非常豐盛！主食類特製雞白湯拉麵拉麵掛滿晒湯汁，啖啖雞湯精華！濃厚雞白湯有濃濃嘅奶油香氣，味道香醇順滑，再配合低溫雞腿叉燒及雞胸叉燒，濃厚鹹香，好食！特製熊本蒜油豬骨湯拉麵豬骨湯底香濃，拉麵仲有啖啖蒜香味，香氣十足！拉麵麵條彈牙有口感，而豬肉叉燒同樣鮮嫩多汁，仲有溏心蛋嘅加持，正！小食類明太子煎蛋甜甜的蛋捲之中，有充滿鹹香味嘅明太子味，風味十足。八爪魚薯仔青醬汁極力推薦小食！金黃色嘅薯仔非常口香，仲有八爪魚非常軟滑鮮美，配合埋青醬汁，味道非常可口，而且份量十足，千祈唔好錯過！飲品今次升級加錢點咗兩杯飲品，包括菠蘿味益力多梳打 和 熱柚子檸檬茶，菠蘿味益力多梳打味道令人充滿驚喜，好飲之餘，仲可以解油膩感，正！