長浜No.1拉麵

Open Now

Now Closed

幾年前食過呢間係九如坊嘅拉麵,已經留下好好嘅印象,今晚再度過嚟食,仍然係咁good。我叫咗No.1拉麵, 話明No.1, 梗係呢度signature嘅拉麵啦!有四塊叉燒,一個糖心蛋開邊,好幾塊紫菜,仲有木耳絲,用料十足,湯底又夠味,又唔算太鹹。天時凍凍地食啖熱辣辣嘅拉麵,真係一大享受。不得不提嗰位日本師傅,由於我今次坐吧枱,親眼睇住佢用心咁製作拉麵,佢一絲不苟,能夠同時處理湯底,又能夠煮啲麵嘅軟硬度適中,仲親手搞埋啲叉燒,實在專業👍。最鍾意食日本拉麵就係呢個原因,專業嘅師傅就係最好。有個客人臨走,呢位師傅仲親自出去送客,鞠曬躬咁,對客人賓至如歸,所以呢間拉麵我覺得又好食又有專業。