Video
Read full review
2016-01-17
370 views
同朋友夜晚黎左呢度食正宗日本菜，環境非常日本風，我地坐係吧枱，所以一邊同師傳溝通，一邊食。由於menu上實在太多款壽司魚生揀，拿唔定主意既我地，決定揀個季節套餐＄580，由師傳接時令既食材幫我地安排。然後師傳問定我地有冇d咩食物敏感或者特別討厭既食物，之後就準備幫我地發辦。季節套餐包左6道菜╴有前菜x3、刺身x3、壽司x3、煮物、天婦羅、甜品，其實都幾豐富滿足。先黎既係3款前菜，三文魚籽新鮮至極，晶瑩剔透、爽口彈牙，上面加左柚子絲同下面墊左蘿蔔茸，好清新。後面係來自金澤既香箱蟹，師傳話係女仔松葉蟹，要每年11月至1月先有，好珍貴！佢既蟹膏同蟹籽特別鮮甜。重有車海老既肉質爽滑彈牙，好似龍蝦咁，蘸上金山寺麵豉同山葵，配搭完美！之後就到幾款刺身，有蓮子鯛、縞鰺魚、赤鯥魚。由淡味魚食到濃味魚，全部都好新鮮甜美！尤其是師傳特別將赤鯥魚燒過，對比刺身赤鯥魚，多左魚皮既口感。然後就有三款不同食法既八爪魚，先係煮熟後加左照燒汁既，口感好軟林，然後就到吸盤，非常爽口，最後就係刺身，加上d幾攻鼻既山葵係上面。食完d凍野，就食下熱野暖下胃。師傅同蒸煮既方法，將真鯛加日本蔬菜同豆腐一齊蒸。魚好滑，個湯有晒魚同
同朋友夜晚黎左呢度食正宗日本菜，環境非常日本風，我地坐係吧枱，所以一邊同師傳溝通，一邊食。
由於menu上實在太多款壽司魚生揀，拿唔定主意既我地，
決定揀個季節套餐＄580，由師傳接時令既食材幫我地安排。
然後師傳問定我地有冇d咩食物敏感或者特別討厭既食物，之後就準備幫我地發辦。
季節套餐包左6道菜╴
有前菜x3、刺身x3、壽司x3、煮物、天婦羅、甜品，
其實都幾豐富滿足。
先黎既係3款前菜，三文魚籽新鮮至極，晶瑩剔透、爽口彈牙，上面加左柚子絲同下面墊左蘿蔔茸，好清新。
後面係來自金澤既香箱蟹，師傳話係女仔松葉蟹，
要每年11月至1月先有，好珍貴！
佢既蟹膏同蟹籽特別鮮甜。
重有車海老既肉質爽滑彈牙，好似龍蝦咁，
蘸上金山寺麵豉同山葵，配搭完美！
之後就到幾款刺身，有蓮子鯛、縞鰺魚、赤鯥魚。
由淡味魚食到濃味魚，全部都好新鮮甜美！
尤其是師傳特別將赤鯥魚燒過，對比刺身赤鯥魚，多左魚皮既口感。
然後就有三款不同食法既八爪魚，先係煮熟後加左照燒汁既，口感好軟林，然後就到吸盤，非常爽口，
最後就係刺身，加上d幾攻鼻既山葵係上面。
食完d凍野，就食下熱野暖下胃。
師傅同蒸煮既方法，將真鯛加日本蔬菜同豆腐一齊蒸。魚好滑，個湯有晒魚同菜既精華，好清好鮮甜，完全冇味噌湯果d死鹹。
炸生蠔既生蠔係即開既北海道蠔，炸完之後都重係生既，未熟晒，因為超大隻又肉厚！
而且入面重好多汁，帶d海水味好鮮！
跟住就到壽司，我地揀左北寄貝、帆立貝同拖羅小卷。
北寄貝係灰白色既，同平時見到紅色果d唔同，因為呢度既北寄貝係即開，唔係急凍過，
即開既北寄貝就係灰白色既。
原來新鮮既北寄貝，係又爽口又好重海水味，非常鮮！
帆立貝好厚，好甘甜。
拖羅小卷入面既拖羅蓉好足料，重多過d飯！
最後就食左個紅豆雪糕做甜品，雪糕係日本牌子，好香奶味！
Post
