松 (Closed)

之前已經聽到人地講緊有間野係馬德鐘開既，今日終於出糧，終於有機會去食下。一開始師傅就切左好多高質刺身。例如油甘魚、帶子、拖羅魚等等。刺身真係好新鮮！唔洗點醬油，咁食已經好鮮甜，而且師傅切既厚度適中，厚切之餘唔會太大，口感岩岩好！食呢d刺身同平時放題質素真係差太遠，其實平時已經覺得放題質素好好，但食omakese先發現，沒有最高，只有更高質素！而且份量唔需要多，好食既野份量少但已經好足夠！食完之後有炸物食。見到個炸高野豆腐就知炸豆腐既油係乾淨唔係萬年油。食開炸野睇個炸物色澤就知個油既品質。一入口，豆腐味好濃，加埋明太子，個味道好夾。第一次食呢個豆腐，我諗只有呢度先有，放題搵唔到，下次一定會再叫！北寄貝壽司好新鮮，同之前食開既真係完全唔同，所以真係一分錢一分貨。口感彈牙之餘，味道特別鮮甜！最後食埋個綠茶雪糕，完結左今晚美好既晚餐！下個月出糧約定你！