泰基隆

Open Now

Now Closed

我呢排喺深水埗返工，晏晝食嚟食去都係西九龍上邊嗰啲food court啊附近啲茶餐廳，今日呢就專登去睇吓有冇啲我想食嘅泰國菜啦就搵到呢一間，評分都算幾多，所以就去試一試啦。咁我同一個同事去啦，我哋一個人呢就嗌咗豬頸肉蛋飯，佢就嗌咗肉鬆海鮮炒飯。咁講返個服務體驗啦，咁啲員工呢就真係泰國人嚟嘅都識少少廣東話，成個感覺都係俾人覺得真係一間好正宗嘅泰菜咁樣，而且環境都尚算坐得舒服嘅。而講吓嗰兩個飯啦咁第一嗰啲豬頸肉呢就唔會柴咬落去有啲肉汁，我覺得係幾好食㗎啦，而另外嗰個海鮮肉碎炒飯呢啲肉鬆同海鮮都多！ 同個飯嘅比例呢都差差唔多啱啱好啦，咁所以都唔錯好食。再加埋個價錢50-60蚊搞掂絕對係值得一試！