Video
Read full review
2017-09-13
430 views
朋友介紹新泰國菜，我哋一班朋友一吹雞就一呼百應去試新嘢。泰灜位於吳松街(澳牛後面)，交通方便，地鐵裕華出口過對面馬路行幾分鐘就到，寶靈街出口又得。我一向冇習慣睇門面，但係佢個招牌真係好型格好靚，好鍾意佢隻大辣椒。飲品我要泰菜鐵膽Lime Soda，足夠嘅lime juice直接mix咗入soda度，夠味。朋友叫龍眼冰就有少少徧甜。推介一杯特飲--“Narin”，係店長自創以自己命名嘅秘制雞尾酒，內有泰國威士忌，香茅......等香草，唔飲得都可以試吓，清爽帶點麥香。香港食泰國菜必叫泰式生蝦，蝦大隻新鮮，連蒜片加紅辣椒點上特制醬汁，食得辣嘅你要試啊! 少有上埋炸蝦頭，不過蝦頭凍嘅，唔係即炸即上，有點可惜。泰式金柚沙律，有大蝦，金柚，蕃茄，腰果，香蔥等等材料，酸酸甜甜，開胃無辣之選，如果沙律菜多幾塊更好。阿女唔太喜泰菜，但係都話個炸蝦餅好正，夠彈牙有蝦味。本人誠意推介大家一定要食炒通菜，平時我唔太喜歡食通菜，呢度嘅炒通菜食到我唔停得口，正呀! (溫馨提示: 唔食辣記得要開聲走辣喎)傳統泰式咖喱炒蟹，味道徧甜，泰國人店長話係佢哋正宗家鄉泰國口味，我絕對接受到覺得好食。醬汁較為濃綢，阿女話太少
泰灜位於吳松街(澳牛後面)，交通方便，地鐵裕華出口過對面馬路行幾分鐘就到，寶靈街出口又得。我一向冇習慣睇門面，但係佢個招牌真係好型格好靚，好鍾意佢隻大辣椒。
Lime soda
$28
13 views
0 likes
0 comments
飲品我要泰菜鐵膽Lime Soda，足夠嘅lime juice直接mix咗入soda度，夠味。朋友叫龍眼冰就有少少徧甜。推介一杯特飲--“Narin”，係店長自創以自己命名嘅秘制雞尾酒，內有泰國威士忌，香茅......等香草，唔飲得都可以試吓，清爽帶點麥香。
生蝦刺身
$68
22 views
0 likes
0 comments
香港食泰國菜必叫泰式生蝦，蝦大隻新鮮，連蒜片加紅辣椒點上特制醬汁，食得辣嘅你要試啊! 少有上埋炸蝦頭，不過蝦頭凍嘅，唔係即炸即上，有點可惜。
金柚大蝦沙律
$68
26 views
0 likes
0 comments
泰式金柚沙律，有大蝦，金柚，蕃茄，腰果，香蔥等等材料，酸酸甜甜，開胃無辣之選，如果沙律菜多幾塊更好。
炸蝦餅
$78
15 views
0 likes
0 comments
阿女唔太喜泰菜，但係都話個炸蝦餅好正，夠彈牙有蝦味。
泰式炒通菜
$78
17 views
0 likes
0 comments
本人誠意推介大家一定要食炒通菜，平時我唔太喜歡食通菜，呢度嘅炒通菜食到我唔停得口，正呀! (溫馨提示: 唔食辣記得要開聲走辣喎)
傳統咖喱炒蟹
$398
21 views
0 likes
0 comments
傳統泰式咖喱炒蟹，味道徧甜，泰國人店長話係佢哋正宗家鄉泰國口味，我絕對接受到覺得好食。醬汁較為濃綢，阿女話太少唔夠撈飯點蒜蓉包喎😅。
傳統咖喱炒虎蝦
$3
22 views
0 likes
0 comments
Well, 人多去食好處係可以叫多啲，有朋友唔食得蟹但係又想食個汁，叫多個咖喱炒虎蝦囉。炒蝦感覺汁多啲，撈飯一流。
蒜蓉包
$48
20 views
0 likes
0 comments
一般市面店舖蒜蓉包都用法包或手指包，呢度用有皮方包，又長咗知識嘅另一種泰國家鄉做法。焗得香脆，蒜蓉味再濃郁啲就更好味，食咖喱嘅最佳拍檔。
鹽焗鮮魚
$178
16 views
0 likes
0 comments
我覺得食魚要食最簡單嘅做法同調味先食得出廚師功架，所以叫咗鹽焗鮮魚，魚肉嫩滑多汁，建議先淨食試吓淡淡魚香，再加幾粒魚皮上嘅鹽一齊食，立即感受到咩叫畫龍點睛，味道倍數提升。
黑椒粉絲大蝦煲
$288
90 views
0 likes
0 comments
我發現呢間泰灜最令我刮目相看嘅係，好多我平時唔太喜歡嘅食物，喺呢度我都食到不能自已。從呢個粉絲煲我可以放棄我最愛嘅大蝦，轉而主攻我唔好嘅粉絲可見一斑; 呢度嘅泰國師傅真係不得了。
火焰燒春雞
$188
40 views
0 likes
0 comments
愛呃like嘅你，又點少得呢隻火焰燒春雞呢?! 有睇我上次去某間中菜嘅食評就知有啲菜館棟直隻雞=純粹呃like，係一個冇意義嘅動作。呢度架起隻雞，應該因為要用酒點火後淋上雞度燒一燒，但又唔想多出嘅酒浸焾咗雞皮吧?! 所以皮脆肉嫩嘅雞食嘅時候多咗一份酒香。據聞之前只限手撕，而家已經可以要求廚房代為斬件，不過斬得好大舊。人多嘅記得叫佢斬細件啲，否則大大塊上㗎。 隻雞真係熱辣辣㗎，嫩手嘅各位勿試手撕。
芒果糯米飯蛋糕(必需預訂)
$1
423 views
0 likes
1 comments
最後介紹埋呢個另一影相必備菜式--泰國經典甜品芒果糯米飯蛋糕(只接受預訂)。如果有朋友生日又食芒果糯米飯，又點少得佢呢? (本人唔食芒果，但睇見一枱朋友食飽飽之後都將佢清碟，味道更係精彩啦，果然女人係有另一個胃裝甜品㗎!)
總括而言，呢間打住“正宗”嘅新泰菜店有好多驚喜，如果可以約一大班人去一次過試多幾款就最好，否則三兩知己就要去多幾次先可以試勻所有好菜喇!
Post
