Video
Read full review
2023-11-30
56 views
今日再次同朋友黎食飯，質素一樣咁高而且可以揀埋份量，咁基本上可以試多幾樣又唔怕會食唔哂!文旦今次一去到就有文旦送上，話係開胃小食，真心好少有地方會咁樣送俾客人而且食落係又甜又多汁，加上文旦獨有既香味同埋少少酸既口感，真係令人食欲大增!大閘蟹今次黎主要都係見到門口有做promotion，始終想係一D有信譽既地方食會放心少少。今次佢地既大閘蟹都好新鮮多膏而且真係蒸得岩岩好，蟹膏既味道濃厚而且蟹腳都仲有好多肉食! 食完後仲有每位附上薑茶，飲落好香而且再加埋黑糖一齊飲，唔會好辣又可以潤下喉!芋香鴨呢個芋香鴨真係整得幾好食，鴨肉新鮮唔會柴同埋乾，再加上芋泥溶包住鴨肉一齊食整體口感一流!莆田荔枝肉啖啖肉再加上酸甜既醬汁已經好開胃，調味岩岩好又唔會太咸，肉質亦相對比較爽口!莆田地道燜豆腐叫呢味菜前侍應已經講左會有少少燶所以要有心理準備，黎到之後的確係聞到少少燶味但其實係完全接受到既，因為用煲仔上所以邊會有少少燶但其實中間蛋既部份係好嫩滑，中間有肉碎同埋粉絲，食落又唔會咸而且蛋味都好香!金湯時蔬金湯係濃郁既咸蛋黃醬，加上菠菜一齊食味道十足而佢呢款咸蛋黃醬都唔會太咸，食落幾惹味!福州紅糟雞睇menu見到
文旦
今次一去到就有文旦送上，話係開胃小食，真心好少有地方會咁樣送俾客人而且食落係又甜又多汁，加上文旦獨有既香味同埋少少酸既口感，真係令人食欲大增!
大閘蟹
今次黎主要都係見到門口有做promotion，始終想係一D有信譽既地方食會放心少少。今次佢地既大閘蟹都好新鮮多膏而且真係蒸得岩岩好，蟹膏既味道濃厚而且蟹腳都仲有好多肉食! 食完後仲有每位附上薑茶，飲落好香而且再加埋黑糖一齊飲，唔會好辣又可以潤下喉!
芋香鴨
呢個芋香鴨真係整得幾好食，鴨肉新鮮唔會柴同埋乾，再加上芋泥溶包住鴨肉一齊食整體口感一流!
莆田荔枝肉
啖啖肉再加上酸甜既醬汁已經好開胃，調味岩岩好又唔會太咸，肉質亦相對比較爽口!
莆田地道燜豆腐
叫呢味菜前侍應已經講左會有少少燶所以要有心理準備，黎到之後的確係聞到少少燶味但其實係完全接受到既，因為用煲仔上所以邊會有少少燶但其實中間蛋既部份係好嫩滑，中間有肉碎同埋粉絲，食落又唔會咸而且蛋味都好香!
金湯時蔬
金湯係濃郁既咸蛋黃醬，加上菠菜一齊食味道十足而佢呢款咸蛋黃醬都唔會太咸，食落幾惹味!
福州紅糟雞
睇menu見到呢個好似幾特別咁所以嗌左個例牌試下，用左紅米酒調味但完全食唔到酒味，唔飲酒既都可以放心食。顏色好鮮艷但味道唔會好濃同咸，反而食到雞味同埋米香，幾特別而且都係啖啖肉冇咩骨，相對都好抵食!
Post
