Pazzeria Italian Brewery (Closed)

今晚居然俾我哋食到一間完全唔係本地口味的意大利餐廳，仲要係身處最多本地人的旺角。餐廳是長方形的分開咗兩邊，一邊是有sofa坐的，而另一邊是高身枱。我們被安排了坐高枱。餐廳仲有幾部電視機播著體育台，如果之前過黎睇世界盃應該幾有氣氛。餐牌選擇頗多，有前菜，意粉，Pizza，肉類，海鮮和甜品一應俱全。mushroom pizza批底好鬆脆，唔會好薄但又唔太厚。由於蘑菇應該係有生焗到熟冇用水浸過，所以食落會有陣苦味，不過係蘑菇本身的味道。而茄醬底係自家製，但就略嫌唔夠濃味！整體都係一個幾好食嘅Pizza。Carbonara呢個真係正宗卡邦尼意粉，因為食得出純粹係用蛋黃及芝士做的味道正宗食譜亦是不會加任何忌廉，所以在我們香港平時食到的所謂卡邦尼意粉其實純粹係忌廉汁意粉，和卡邦尼是沒有關係。而這個意粉做得很出色，非常al dente ，有濃郁芝士味，仲有香脆煙肉乾！喜歡食真正carbonara嘅朋友就真係要來試試