焱丸水產

Open Now

Now Closed

最近我去咗尖沙咀嘅焱丸水產，真係好正，食完簡直好似返左日本咁，可以一解思鄉之情！焱丸活貝大盛包括帆立貝兩只，⁠牡螺兩只，⁠特選貝兩只，⁠白蜆四只全部都好新鮮，最緊要係有專人即場代燒，好爽！帆立貝咬落去鮮甜又滑，牡螺啲口感又彈牙，特選貝有種獨特嘅味道，白蜆就係鮮美嘅代表，湯汁濃厚，簡直好味到爆！特上壽司盛合包括拖羅，⁠三文魚，帆立貝，⁠牡丹海老，⁠鰻魚，⁠油甘魚，⁠三文魚籽，⁠松菜蟹肉，⁠松葉蟹膏，⁠海膽，⁠香蔥吞拿魚蓉！件件都好有水準，尤其是油甘魚同松葉蟹膏，食落去好滑，味道超級鮮美。海膽同香蔥吞拿魚蓉嘅搭配，真係一試成主顧，令人回味無窮，超有驚喜！黑松露蟹肉甲羅燒蟹肉鮮甜，加埋黑松露嘅香氣，好食！日式甜醬牛肉鍋牛肉又嫩又香，不會太膩，配啲新鮮蔬菜，食落去真係好滿足！花魚一夜干半條份量都超大，非常鮮嫩，魚肉吸收咗鹽同醬油嘅味道，外層烤得微微焦脆，內裡卻保持住魚肉的柔嫩，口感層次非常豐富！