Video
Read full review
2022-07-09
745 views
上星期同屋企人去咗 Lawry's 食佢個Semi-buffet lunch。早一日想都係得番11am嗰啲位, 所以早少少食。🦐自助式頭盤🧀選擇都幾多吓, 例如有cold cuts, tuna tataki, 涷蝦, 芝士, 湯同埋沙律。特別要讚佢嘅係啲蝦都算幾甜下, 點埋佢個cocktail sauce仲好惹味添。食完三隻唔夠喉, 之後再拎多五隻😆🦀周打蟹肉湯🥣中中庭庭, 幾好飲但唔會有太大驚喜。🥩Lawry's Prime Rib of Beef (California Cut +$100)🥩主角嚟啦! 見到著住白衫嘅廚師推架餐車出嚟就知道咩事🤣 一邊睇住佢切嚿Prime Rib出嚟, 一邊嘴邊己經流曬口水出嚟。依塊California cut切出嚟大約一吋厚, 配埋薯蓉同creamy spinach (+$60) 真係絕配!😍😍 肉質一啲都唔鞋仲好有肉味。 Portion 幾大下所以食到最後真係有少少滯。但係好事嚟, 好少食到咁滿足。🤭 🍫甜品⛲️最眩目都係個Chocolate fondue, 食飽唞完第一時間就狗衝去個 fondue 度,立即攞返幾粒 marshmallow 去點
上星期同屋企人去咗 Lawry's 食佢個Semi-buffet lunch。早一日想都係得番11am嗰啲位, 所以早少少食。
🦐自助式頭盤🧀
選擇都幾多吓, 例如有cold cuts, tuna tataki, 涷蝦, 芝士, 湯同埋沙律。
特別要讚佢嘅係啲蝦都算幾甜下, 點埋佢個cocktail sauce仲好惹味添。食完三隻唔夠喉, 之後再拎多五隻😆
🦀周打蟹肉湯🥣
中中庭庭, 幾好飲但唔會有太大驚喜。
🥩Lawry's Prime Rib of Beef (California Cut +$100)🥩
主角嚟啦! 見到著住白衫嘅廚師推架餐車出嚟就知道咩事🤣 一邊睇住佢切嚿Prime Rib出嚟, 一邊嘴邊己經流曬口水出嚟。依塊California cut切出嚟大約一吋厚, 配埋薯蓉同creamy spinach (+$60) 真係絕配!😍😍 肉質一啲都唔鞋仲好有肉味。 Portion 幾大下所以食到最後真係有少少滯。但係好事嚟, 好少食到咁滿足。🤭
🍫甜品⛲️
最眩目都係個Chocolate fondue, 食飽唞完第一時間就狗衝去個 fondue 度,立即攞返幾粒 marshmallow 去點🐶。感覺真係好甜, 可能自己已經老啦唔鍾意食咁多甜嘢。🥲
另外都有試佢個creme brulee, 都係好甜。鍾意食甜嘢嘅人記得要去攞呀😆
Post
