老厝邊

Open Now

Now Closed

今日到佐敦開會，試下同事推薦嘅臺灣餐廳。餐廳裝修得幾有臺灣味道，好似返到臺灣咁。古早味冬瓜茶，黎臺灣餐廳，一定要試試冬瓜茶。冬瓜茶入口味道好香，同埋唔會好甜，好清爽。經典滷味拼盤，勁大一份，有豬耳，豬大腸，豆干，海帶，鹵蛋同埋酸菜。滷味醬香味十足，不過唔會好鹹。豬大腸處理得好乾淨，入口好香豬腸味道。臺式蒜片香腸，比咗大量蒜片同蔥絲，一定係用咗臺灣香腸，好重肉味同埋好香甜，搭配蒜片一齊食好惹味。眷村牛筋面，面分量好足夠，大大件牛筋有3-4件，仲有蘿蔔同青菜。湯底飲得出係落足料煲制，湯底鮮甜牛骨味好重。牛筋文得好軟嫩，入口軟糯骨膠原滿滿。蘿蔔嗦曬湯底味道，食落更加鮮甜。