華嫂冰室 (Moved) New Location

終於有機會食到傳說中嘅華嫂冰室，識食一定食最正宗嘅元朗店。特地入去元朗屏山，其實我都唔係好識行，同人一齊係啲村附近捐捐下，搵咗一陣先見到。對我而言都幾特別，無點試過係村入面啲餐廳食野。由於我地等兩點開業個時段，知道會好多人等籌都早咗排，一點半左右就到咗。店員都有安排同控制人流，夏天係出面排隊係有少少辛苦，但為咗美食都無計haha。招牌菠蘿包酥香金黃，菠蘿包外皮好鬆脆。夾住雞蛋、鮮甜蕃茄同鹹潤牛油片，鹹甜交雜。牛油片都幾大塊，成個包好邪惡好足料。雞翼蕃茄米線雞翼頗有水準，一咬會食到雞翼有種特別調製過嘅味道，幾香。湯底濃稠，可以見到有濃濃嘅蕃茄蓉，可惜米線唔太入味。凍檸檬益力多益力多普普通通，唔篤下啲檸檬就會剩返一般益力多味，驚喜不大。冰花奶茶奶茶有驚喜，一入口有冰沙質感，好少見。配搭濃滑奶茶，幾順喉滑潤，無乜苦澀味。