Chill Vietnam Cuisine and Bar

Open Now

Now Closed

新一年第一餐飯聚，朋友就帶左我黎間越南餐廳食晚飯。餐廳播住越南歌，地方都幾大整潔，坐得幾舒服。餐牌都幾多嘢揀，朋友發辦叫左個沙律，兩個主菜同兩款甜品，都幾豐富。青木瓜軟殼蟹沙律：軟殼蟹大大隻開兩邊，剛炸起，咬落鬆脆。青木瓜絲同生菜絲幾甜夠爽，香葉味重，醬汁係魚露，味道甜甜酸酸，幾開胃。椰汁叻沙葉燴青口伴炸油條：賣相幾好，青口有半打大大隻，椰汁味香濃creamy，炸油條好脆，剪開一塊塊點汁食，又幾夾喎。家鄉燒豬腩肉伴檬：豬腩肉燒得香口，口感軟淋入味。湯底用左魚露比較濃味，配上凍檬粉夠吸汁，好好味。越式芋圓椰汁凍：椰王殼開得完整，好有心機。裡面整個裝滿左椰汁奶凍，份量其實都幾多。有淡淡椰汁味，奶凍夠滑夠凍唔太甜，芋圓煙韌，上面有脆脆、芒果同大西米等配料，整體唔錯。薑檸燉蛋：打卡之選，燉蛋用雞蛋造型容器上，然後再用鳥巢做配襯，旁邊有花花，士多啤梨同藍莓做伴碟。燉蛋味道真係夠薑，口感幼滑，唔太甜，幾好。