南대門

Open Now

Now Closed

📍放假去咗金巴利道條韓國街食燒肉！入到去都係正宗韓國阿豬媽負責招待～入邊啲燒爐都幾得意，係用龜形狀造型。第一次食燒肉唔揀牛，揀咗個豬肉拼盤($450)，入邊全部都係豬部位，包括五花肉、護心肉、豬頸肉、醬醃薄切五花腩。另外可以再揀泡菜湯或者大醬湯。韓式小菜都幾多，特別嘅有蜜糖番薯同埋涼拌南瓜都幾好食。比較好嘅係豬頸肉，燒到外皮焦香又爽口。另外再點咗一款海鮮韭菜煎餅($143)，粉漿唔會好多，食到啖啖韭菜，面頭仲有好多八爪魚同蜆肉，都幾足料，擺咗一陣食都仲係好香脆！