食道樂 (嘉華大廈) (Closed)

呢日黎到荃灣廣場行街，知道享和街附近開咗好多新餐廳，呢兩年疫情都冇得周圍飛，勁掛住韓國，見到開咗一間韓國新餐廳就入去試吓。餐廳佈置類似學校課室都幾得意，位置唔係好多，除咗堂食仲有地道韓國前菜外賣，門口附近仲有飲品雪櫃一目了然，我仲聽到大廚係韓國人👍🏻夠哂正宗。一碟三款既前菜，泡菜味道剛好，小辣唔會過酸，啱我口味。天氣涼涼地想食個湯鍋，就叫咗個辣海鮮豆腐鍋，辛辣刺激都幾多料，有青口、魷魚、金菇、翠玉瓜、豆腐等等，仲會跟個白飯一齊食，鍾意辣既朋友吾以試下👍🏻 Bulgogi烤肉配生菜，包飯醬，蒜片同辣椒，醬汁係韓式烤肉汁，個甜甜地係我鍾意既味，用生菜包住食，可以自己自由配搭配料或者加泡菜一齊食又得。